Home Cultura Tratados Torrijos-Carter: un historia cu caracter internacional y regional

Tratados Torrijos-Carter: un historia cu caracter internacional y regional

25
0
SHARE
- Advertisement -

Den colaboracion cu Fundacion Omar Torrijos:

ORANJESTAD (AAN) – Manera ta conoci Panama e aña aki a cuminza organiza actividadnan pa conmemora e di 40 Aniversario di e Tratadonan Torrijos-Carter, cu a culmina cu e devolucion di e Canal di Panama na su berdadero doño, e pueblo Panameño.

Matutino DIARIO ta pendiente di un entrevista cu e director di ATA, tocante e negociacionnan na nivel di turismo cu mas cu un aña pasa tin, ainda sin concreta cu Panama, tur basa riba e ampliacion di e Canal di Panama, cu a wordo celebra na Juni 2016 cu e reapertura di e canal.

En cooperacion cu Fundacion Omar Torrijos, dirigi pa don Guillermo Villalobos, nos tin un serie di articulonan relaciona cu e hecho transcendental aki, cu incluso Hulanda ta sigui di cerca.

Awe nos ta cuminza dedica espacio na e General Omar Torrijos, ken presidiendo su pais a logra devolve e dignidad na su pueblo, y su berdera independencia.

Prome cu elabora riba General Omar Torrijos su biografia, ta interesante pa transcribi un parti hopi emotivo di un discurso di su yiu, Martin Torrijos, ken tambe a ocupa e presidencia di su pais di 2004 pa 2009, durante e reciente bishita na Panama di e Cineasta Miguel Littin.

Martin Torrijos Espino a resumi parti di e historia asina aki:

“No tabata durante dianan ni lunanan sino durante añanan cu nos mester a haya e sensatez di scucha, te e limite di tolerancia, tur tipo di improperio, irespet y mas cu calumnia infame, acusacionnan contra e memoria di e  General Omar Torrijos.

“Casi cuater decada na unda algun, alimenta pa odio, a purba di manciya su obra, su legado, su capacidad di lidera e hazaña cu a haci disparce e di Cinco Frontera, a desmantela e colonia y a devolve nos e dignidad.

“ Añanan di mantene e serenidad anima door di e certeza cu su obra como estadista, lo a papia semper di e pais di e berdad y no den e fierno di mentiranan ripiti.

“ Nos ta semper convenci cu nada lo por a toca ni empaña e General di e pueblo. E General Omar Torrijos cu nos ta considera, y te eternidad nos lo sigui considera, manera e mas lucido, luminoso grandi di e Panameñenonan cu a nace riba e tera aki.

“Pesey, mi kier señala y adverti, sin menaza manera e mes a siña nos, cu di un tempo pa awor, recientemente, tin tin accionnan publico cu ta indica cu nan ta pasando di e linea pa trata di desfigura Omar Torrijos. Y mi kier pa nan sa cu nos no ta dispuesto na sigui permiti ni tampoco tolera esaki.

“ E linea ta wordo cruza ora ta wordo patrocina monumento y endosa cienes di hende asesina, disparce y victima di e asina yama epoca militar di Omar Torrijos, ken a muri na 1981.

“ Boso mester sa cu Torrijos no ta Somoza, Stroessner, Duvalier, Galtieri, Videla y por supuesto ni Pinochet…mas bien mi por bisa cu el a sinti un repudio pa e regimennan aki y a adverse nan na unda y con e por a haci esaki”.

Den otro articulonan lo trece mas fragmento di e discurso interesante aki. Cu gradicimento pa Fundacion Omar Torrijos pa a tene Matutino DIARIO na cuenta pa comparti informacion.

 

 

- Advertisement -

DUNA COMENTARIO

Please enter your comment!
Please enter your name here