Home General Tropical Storm Watch cancela pa Aruba awor cu Bret a bira un...

Tropical Storm Watch cancela pa Aruba awor cu Bret a bira un simple Ola Tropical

1782
0
SHARE
— Lo bay spera awacero cu biento si na Aruba. (Potret saca 3:56 pm)
- Advertisement -

ORANJESTAD (AAN): Segun NOAA National Hurricane Center, Tormenta Tropical Bret ya caba a bira hopi desorganiza, y el a perde su circulacion cera!  E boletin di 5:00 pm ta mustra cu el a converti su mes den un simple Ola Tropical.

Esey nifica cu National Hurricane Center, tampoco Departamento Meteorologico di Aruba lo no duna ningun boletin mas di e mal tempo aki.  E ta djis un Ola Tropical.

Banda di 5:00 pm, e area mas o menos di ex-Bret aki ta na 12.0º Nort y 67.3º West. Esey ta como 190 km pariba di Curacao.  E mal tempo aki no por a sobrevivi e biento fuerte cu ta suplando basta dia caba den Caribe.  E “windshear” aki na nivel mas halto di atmosfera, a destrui e tormenta.

Pesey na Aruba mes, Departamento Meteorologico di Aruba a cancela e Tropical Storm Watch.

YOBIDA TOG LO PASA RIBA E ISLA:

Sinembargo ta premira cu e Ola Tropical aki lo bay afecta Aruba den proximo 12 pa 24 ora, cu rafaga di biento (durante awacero) cu por yega na 35 nudo (65 km/h) te 40 nudo (74 km/h).

Yobida lo cuminza banda di Diaranzon madruga, y por sigui te Diaranzon mainta pa merdia.

Riba lama grandi por spera olanan di 5 pa 10 pia halto.  E aviso pa lama bruto ta na vigor te Diaranzon 21 Juni pa 12:00 pm.

 

- Advertisement -

DUNA COMENTARIO

Please enter your comment!
Please enter your name here