Home Policial Victima di 53 aña di Piedra Plat ta den estado critico

Victima di 53 aña di Piedra Plat ta den estado critico

1433
1
SHARE
- Advertisement -

Sospechoso Dave Kop a keda pasa riba dje sin piedad

ORANJESTAD(AAN): E incidente di diadomingo anochi na Piedra Plat banda di Mandingo Snack tin atencion di autoridad. E sospechoso Dave Kop di 18 aña ta e persona cu a pasa intencionalmente riba e victima.

E ta conoci caba den e area pa su coremento iresponsabel. Na cas mes mayornan no por cune, y ta un hoben cu ta biba na Nuñe.

Manera ta conoci, Diadomingo ora e tabata coriendo iresponsabel, por poco el a dal un peaton.  E peaton a grite pa e “core drechi”.

Ora cu e chauffer a tende esey, el a primi brake, a reverse e auto Toyota Yaris y dal e victima y djey pasa riba dje.

El a keda bay bin asina, pone e vehiculo den speed pa bay dilanti, y despues reverse, pa sigui pasa algun biaha riba e victima despues di lastre bou di e auto.

Dave Kop di 18 aña despues a bandona e lugar, y a bay sconde e auto.  El a subi un scooter y sali back.

Despues autoridad a rondona e cas na Nuñe y a bin topa cune unda a haci detencion.

Awor Dave ta worde acusa di asesinato.

E victima mes ta luchando pa sobrevivi. E victima di fam Rafael, tin 53 aña di edad y ta biba poco mas pariba di unda e acto insolente a tuma lugar. E slanan ta hopi.

El a haya sla na cabez y likido ta yena den su cabez, schoudernan ta kibra, 7 ribchi kibra, problema cu pulmon, heup kibra y dos disco di su wervelkolom kibra.

Esnan cu conoce e hoben, entre otro autoridad ta bisa cu e hoben aki ta un peliger pa comunidad.

Apenas recien e tabata encarcela, pero a lage bay caba. El a worde gara ta horta e caha fuerte den marduga na Burger King na Paradera. Ya caba nan a lage bay. E dia ey su so a cay sera pasobra cu e otronan a core bay.

Awor ya caba e ta liber y biaha aki a hera ranca un bida. Spera cu e victima recupera di e situacion cu el a pasa aden.

 

- Advertisement -

1 COMMENT

  1. IS THIS THE NEW JORAN VAN DER SLOOT
    WHAT’S WRONG WITH THOSE DUTCH FAMILIES.
    THEY RAISE THEIR KIDS TO FEEL SUPERIOR TO THE AVERAGE HUMAN BEING. WE GOTTA STOP THEM HERE AND NOW. THERE WAS A REPORT ON
    TELEARUBA ON MODAY JUNE 5 WITH SEGREGATED CRASHES THEy RUN ON ARUBA FOR ONLY DUTCH BRATS THAT’S WHAT THEY ARE AND ARE RAISED TO BE SELFISH AND INHUMANE AND GREEDY.
    STOP THEM NOW

DUNA COMENTARIO

Please enter your comment!
Please enter your name here