Home Salud Voluntarionan di My Guardian Group Walk and Run preparando pa registracion

Voluntarionan di My Guardian Group Walk and Run preparando pa registracion

82
0
SHARE
- Advertisement -

ORANJESTAD (AAN): E di 5 edicion di My Guardian Group Walk and Run Aruba 2017 cual ta tuma lugar diadomingo dia 11 di juni venidero ta den full preparacion pa atende cu tur persona cu a pre-registra online na www.myguardiangroup.com  na events  Aruba, pa cana 6km of core 6km of 10km. Pre-Registracion ta drenta keto bai y e aña aki atrobe nos lugar pa un total maximo di 2000.

E cantidad di coredonan ta crece cada aña y e entusiasmo ta grandi di parti di canadonan pero tambe companianan cu tin nan grupo di empleado saludabel y activo. Guardian Group su team di registracion ta pidi pa coopera adelanta den forma di aplica pa un lista via email mjacopucci@dc.myguardiangroup.com  pa asina tur empleado di un compania cu ta forma un grupo pa participa y cu a pre-registra  online caba.

Asina nan por  yuda eficientemente  den e siman di registracion official cu ta cuminsa dialuna dia 5 di juni te cu diabierna 9 di juni, for di 5.30pm te cu 9pm, na nos oficina di Guardian Group Fatum pa busca nan shirt y number di participacion di biaha. Pa e corredonan  6 y 10 km ta importante pa informa cu e aña aki atrobe nos lo saca e carreda den 2 tiro.

Coredornan 10 km lo  Sali 6 am y corredornan 6 km lo Sali 6.05 am, sigui pa tur e (fun)walkersnan 6km. Cana 10 km no ta posibel pa motibo di seguridad y conseho di KPA. Salida y final lo ta for di oficina di Guardian Group Fatum na L.G. Smith Blvd. 162. Promer cu salida entre 5am y 5.45am lo tin warm up session door di Leroy de Vries di 297 Cross Fit.

Yega na tempo pa bo prepara bo curpa pa e carreda y canamento. Nos lo tin un tent special pa tene bo yabi di auto y “fietsenrek” pa e atletanan di triathlon cu ta participa. Lo tin total 3 waterpost ariba e rutanan cual ta na skina di Superfood, Shaba (dilanti di Bestial) y den Schotlandstraat na CERD. Inscripcion ta costa awg. 25,00 pa persona. Esaki ta encera  bo chip bibnr., dri-fit tshirt, 1 visor y Shopping bag, medaya pa tur cu yega finish , fruta y bebida refrescante.

Mucha cu edad 16 aña bai ariba por competi den distancia di 10 km. Pa corredo, lo tin premio den 6 diferente categoria di edad pa hende muher y hende homber y e overall winners di 6km y 10km lo ricibi ticket ida y buelta pa Corsow pa participa na e Walk and Run di Guardian Group cual ta tuma lugar diadomingo dia 29 di oktober proximo. Nos lo tin na final un super bon ambiente atrobe cu musica,  e team di weight consultants di Cuts and Curves , bebida refrescante, fruta, koffie y te di Smit & Dorlas, y un dushi sopi prepara pa Divi Resorts. Gatorade di Romar Trading y Awa Le Bleu di Manrique Capriles. Guardian Group lo hasi donacion na diferente instancia cu lo wordo invita e mainta aki pa ricibi esaki.

Si bo no a pre-registra ainda hasi esaki mas liher posibel online https://registration.mylaps.com/guardian-run-aruba/. No lubida di pasa personalmente for di dialuna dia 5 te cu dia 9 di juni entre 5.30 y 9 pm pa segura bo participacion door di paga y busca bo tshirt y number di participacion.

First come-First Serve y nos ta tuma 2000 participante. With Guardian Grou You Never Walk alone! Wak pa bo tei.

 

- Advertisement -

DUNA COMENTARIO

Please enter your comment!
Please enter your name here