Home Turismo Yen ambiente cu bebidanan increible na reapertura di L.G. Smith’s Steak &...

Yen ambiente cu bebidanan increible na reapertura di L.G. Smith’s Steak & Chop House

22
0
SHARE
- Advertisement -

ORANJESTAD (AAN): Recientemente cu un grupo grandi di invitado, ricibiendo un impecable cocktail di bon bini, a acudi pa e reapertura di LG Smith’s Steak & Chop House na Renaissance Aruba Resprt.

Awor e restaurant ta ofrece un experiencia eleva pa bo dinner cu ta inclui un concepto di brunch nobo tambe, cocktailnan signatura exclusivamente crea pa LG Smith’s y cu ta accentua elementonan manera tera, candela y awa. Ademas, ta inclui un lista extenso di biña selecta for di varios parti di mundo.

E interior di LG Smith’s tambe a conoce un cambio, awor cu un look mas moderno y ‘upscale’ pa asina refleha e localidad cu e restaurant ta ubica den dje, ofreciendo cada bishitante un experencia unico pa disfruta di nan cocktail y dinner, cu e mihor musica admirando asina e marina y boulevard.

E restaurant a agrega algun entrada nobo, plato principal y dessert riba nan menu. A demostra aprecio na cliente, door di agrega algun di nan platonan faborito pero den un concepto nobo, moderno y cu un ‘twist’ Mericano. E  ‘Chef’s favorite’ a ser selecciona personalmente pa LGS su Chef, entre nan e ‘Foie Grass Duo’ of ‘Steak Tartare’, como entrada of e plato principal ‘Wagyu Tenderloin’ y pa dessert e fenomenal ‘The Dome’. Tur plato a ser crea cu e meta pa accentua e sabor di cada ingrediente haciendo asina e carni of e seafood, e ‘highlight’ di cada plato.

Adaptando completamente na e tendencia di ‘craft cocktails’, L.G. Smith’s su experto den mix drinks a crea algun cocktail nobo pensando riba elementonan: Awa, Candela, Huma, Tera y Neblina. Cada cocktail a keda crea cu dedicacion pa perfeccion y a incorpora juicenan organico manera, Aruba su aloe, premium whiskey, bourbon, gin, port y cognac; ademas ta agrega algun otro ingredientenan, manera lavender, sage, y sweet bay leaf- entre otro. ‘The Mist’ ta un cocktail hopi complica, e ta e version rico y zoet di un biña cora, mientras cu e ‘Smoke’ ta ofrece un sabor abundante di bourbon y ta keda accentua cu e huma di bacon, e ‘Fire’ ta un cocktail delicado accentua cu tokenan di creme brulee.  E presentacion inespera di cada cocktail ta locual ta hiba e bebidanan na e nivel mas halto uzando e ultimo tecnica den mixologia moderno.

“Durante e ultimo aña aki nos a inverti den desaroyo di e resort su programa di ‘food and beverage’ y L.G. Smith’s ta un bon ehempel di e calidad di gastronomia y servicio cu nos a bin ta ofrece na cada bishitante”, di acuerdo cu Sr. Paul Gielen, gerente general di Renaissance Aruba Resort & Casino a indica. “E idea tras di e cambio y reapertura di L.G. Smith’s Steak & Chop House ta pa combina e mentalidad di un ‘steak house’  y banda di esaki introduci un ambiente moderno di nivel halto.

- Advertisement -

DUNA COMENTARIO

Please enter your comment!
Please enter your name here