Home Economia Bon servicio ta traduci den mas benta y entrada y mester trece...

Bon servicio ta traduci den mas benta y entrada y mester trece e hospitalidad Arubiano atrobe den servicio na cliente

95
0
SHARE
- Advertisement -

Nadine Willems-Antersijn ta orador na Small Business Event

ORANJESTAD (AAN): Gianni’s Group lo tin dos presentacion diasabra awor durante e Small Business Event den Renaissance Convention Center. E prome parti lo ta di e director di Gianni’s Group mes cu lo comparti e exito di e grupo, con a cuminsa y kico ta haci nan exito, mientras cu den e “breakout session” Nadine Willems lo elabora riba servicio na cliente y con esaki ta relata na mas benta.

Den e parti di “Customer Service” lo haci un sorto di training na tur e participantenan, pues un tayer interactivo, pa tur presente realisa unda nos ta awor como e producto Aruba den servicio. Ultimo tempo tin hopi keho riba nos nivel di servicio na cliente, no solamente pa localnan sino pa turistanan tambe. “Mi mes ta hopi exita y ta sinti mi masha honra di ta invita como un orador na e Small Business Event”, asina Nadine Willems, Corporate Trainer na Gianni’s Group, a sigura.

Mas leu el a indica cu “Loke nos ta haci na Gianni’s Group ta purba trece servicio na cliente back na lo basico. Kico ta e hospitalidad Arubiano, kico a haci Aruba popular, pakico turistanan ta sigui bishita nos. Hopi di esaki tin di haber cu e hospitalidad cu nos tabata brinda. Mi ta bisa tabata pasobra mi ta sinti cu e no ta asina mas”, segun Nadine Willems.

E intencion di su presentacion di diasabra awor ta pa repasa e puntonan aki y convence e participantenan cu servicio ta esencial den no solamente brinda miho servicio, sino tambe con bon servicio ta traduci su mes den mas benta y mas entrada.

E Small Business Event lo tuma luga diasabra awor den Renaissance Convention Center y lo cuminsa desde 9:30 di mainta y lo termina pa 1’or di merdia.

- Advertisement -

DUNA COMENTARIO

Please enter your comment!
Please enter your name here