ORANJESTAD (AAN) — Diabierna sigur tur isla cu tabata forma parti di ex Antiyas Hulandes tabata den espera di sentencia di e caso den apelacion Babel den cual politico Gerrit Schotte y su partner di bida Sra. Cicely v.d. Dijs tabata sospechosonan.
E sentencia cu corte a dicta tabata 3 aña cera pa Schotte y 5 aña sin derecho di por wordo eligi pa Staten y pa Sra. V.d. Dijs a dicta 1 luna cera di cualnan 6 luna condicional.
Segun Corte Comun, Schotte a aci su mes culpable na loke a wordo considea como soborno official, (ambtelijk omkoping), falsificacion y labamento di placa.
Segun corte Schotte como prome ministro a presta servicionan na un comerciante amigo y cu esaki a falsifica facturanan y ademas a ricibi pago pa e servicionan cual pagonan el a laba. Ademas e tabata den posesion di “jammers”. (pa stroba yamadanan )
A considera cu Schotte como prome mandatari o a malusa malament e confianza cu a wordo deposita den su persona y cu esaki a causa daño serio n a Corsou. Esaki a wordo considera pisa contra dje den corte.
E contra prestacionnan a haci cu Schotte a haya prestigio y poder den politica y comunidad, aceptando sumanan grandi di un comerciante amigo.
Pa por duna contra prestacion, Schotte a usa su autoridad como prome ministro Corsou y viola integridad cu ta inseparable di e function ey.
El a keda absolve di e denuncia falso di perdida di su paspoort diplomatic.
Su partner di bida, Sra. V.d. Dijs a haci su mes culpable hunto cu Schotte na labamento di placa y di tin “jammernan” den su poder.
Debi cu hunto cu Schotte el a laba sumanan grandi di placa di crimen el a viola e integridad y transparencia di trafico financier y economic. E procedimento aki di Sra. V.d.d. a perhudica e posicion special cu e abata tin e tempo ey den comunidad y politicva di Corsou hunto cu Schotte.
El a wordo absolve di falsificacion .
E acusadonan a wordo asisti pa abogadonan mr.M.C. Vaders, abogado na Corsou, Mrs. G.G.J. Knoops, C.J. Knoops-Hamburger y J.A. Baaijen,abogadonan na Hulanda.
