Home General A detene dos muher mericano relaciona cu alerta di bomb den avion...

A detene dos muher mericano relaciona cu alerta di bomb den avion di Southwest

2162
0
SHARE
- Advertisement -

ORANJESTAD    (AAN):   Diahuebs dos muher Mericano a keda deteni despues cu e vuelo di Southwest a baha na Aruba. E avion tabata yen di pasahero di Aruba y turista cu tabata biniendo for di Orlando.

E capitan di e avion a haya un mensahe den banjo cu a capta atencion y mesora a bati alarma. E papel cu mensahe di bom riba dje tabata motibo suficiente pa tuma e cos na serio y avisa autoridad local di e caso aki.

Na yegada di e avion ya caba e area rond di e aeropuerto a wordo sigura. Na Airport mes autoridad a prepara tambe pa pone tur hende den un area pa asina e investigacion wordo haci. Den e avion tabata tin pasaheronan local kendenan autoridad local  a acerca.

A papia cu pasaheronan local cu tabata cerca di baño. E mensahe a wordo haya den e banjo parti dilanti y esey ta e banjo cu e capitan a bay usa y topa cu e mensahe.

Durante investigacion a logra pone man riba dos hende muher Mericano cu tabata abordo. Un team di recherché a cuminsa cu e investigacion. E proceso di sondea den e avion tambe a tuma lugar. Aeropuerto a keda oranan sera y varios otro avion mester a wordo desvia mientras cu un cantidad di pasahero a perde nan conexion.

Ta algo serio loke a sosode. No a topa nada robez den e avion finalmente. E listramento riba e maletanan a bay positivamente. No a topa cu nada straño. Algun pasahero cu a yega den e avion si tabata disgusta pa falta di informacion. Ta ora cu a mira media local, nan a tuma nota di loke ta pasando.

Ningun ora e aerolinea a notifica nan kiko realmente tabata pasando. E dos sospechosonan femenino a wordo interoga pa oranan largo na aeropuerto. For di merdia te cu anochi e interogacion a tuma lugar. Na final tur dos sospechoso a keda sera.

Ambos a wordo mustra riba su derechonan. Den un forma tactico autoridad di recherché y grensbewaking a logra yega na e dos prome sospechosonan y djey ambos a keda. Informacion cu nos tin ta cu a haya e pen cu a pone e nota di bom den poder di un sospechoso. Esaki ta un prueba importante pa condena e sospechoso aki. Loke a pasa diahuebs merdia na Aruba por tin consecuencia serio pa e sospechoso aki.

Ta hopi daño a causa y e chens ta grandi cu por haya nan cu diferente demanda. Nan por haya demanda den corte na Aruba unda tin nuebe aña a colga riba nan cabez, nan por haya un demanda di aeropuerto di Aruba pa e perdida hiba, tambe e por haya demanda di aerolineanan cu a wordo perhudica pa su actuacion.

Mescos na Merca tin cos ta spera ambos pa loke cu nan lo a haci. Si ta un joke of no, esaki tin su consecuencia. Autoridad local a tuma e cos masha na serio y a considera e caso aki como uno dirigi riba terorismo.

E sospechosonan  banda di 9’or di anochi a wordo hiba diferente warda unda a pasa e prome anochi den celnan di Polis na Aruba. E personal di K-9 y tambe Flex Team tabata presente anochi na airport ora cu otro vuelonan di Merca tambe a baha. Nan presencia tabata pa duna un ambiente di mas seguridad na esnan cu tabata yegando Aruba. Nan tin e cacho prepara pa explosivo y droga y e tambe tabata den accion diahuebs anochi.

- Advertisement -

DUNA COMENTARIO

Please enter your comment!
Please enter your name here