Home Hudicial A pospone caso contra grupo cu a horta caha fuerte di banco

A pospone caso contra grupo cu a horta caha fuerte di banco

140
0
SHARE
- Advertisement -

ORANJESTAD    (AAN) – Un grupo di 4 sospechoso homber a presenta dilanti Hues pa duna cuenta pa e delito serio cu nan a haci. Ta asina cu Fiscal a bisa Hues cu e caso ta pro forma door cu ainda e procesverbaal oficial no ta cla. A keda dicidi cu tratamento di e caso lo ta na October 2017.

HORTA BANCO

E sospechosonan cu a presenta dilanti Hues ta: R.J., J.A.R., S.R. y P.V.

Fiscal a bisa cu tin dos acusacion. E promer acusacion ta contra R.J., J.A.R. y S.R., kendenan ta wordo acusa cu dia 3 April 2017, nan a kibra drenta den un banco, horta algun caha di placa for di e caha fuerte di e banco.

HORTA SUPERMERCADO

Fiscal a bisa cu e otro acusacion ta cu riba 19 di April 2017, nan a kibra rol di hero di un supermercado na Ponton. Segun Fiscal, nan a kibra e rol di hero cu ta sera e supermercado caminda a kibra cahanan di placa.

POSPONE CASO

Fiscal a sigui bisa cu e caso ta pro forma door cu ainda e procesverbaal oficial no ta cla. Fiscal a propone pa tratamento di e caso tuma lugar dia 20 di October 2017 y Hues a aproba esaki.

Ta asina cu Fiscal a basa su mes loke tin para den e procesverbaal di interogacion. Ainda miembronan di Recherche mester traha e procesverbaal oficial, cual ta e procesverbaal cu lo wordo usa durante tratamento di e caso den Corte.

Ta ora di tratamento di e caso, lo bay haya sa cuanto placa a wordo horta tanto na e banco como na e supermercado.

 

- Advertisement -

DUNA COMENTARIO

Please enter your comment!
Please enter your name here