Home Hudicial A pospone e caso pa otro luna: Hoben di 21 aña...

A pospone e caso pa otro luna: Hoben di 21 aña sospecha di a abusa di mucha muher bou di 16 aña

442
0
SHARE
- Advertisement -

ORANJESTAD    (AAN) – E caso penal cu mester a tuma lugar contra e homber M.(21) a keda posponi. Esaki pasobra ainda e procesverbaal oficial no ta cla.

ABUSA DI MUCHA

E acusacion cu Fiscal a presenta contra M. ta cu entre Januari 2017 y April 2017, e lo a tene relacion cu un mucha muher bou di 16 aña.

Den sala di Corte tabata presente e mucha victima hunto cu su mama.

CASO POSPONI

Fiscal a bisa Hues cu e caso a bin dilanti pro forma pasobra ainda e procesverbaal oficial no ta cla. Fiscal a pidi Hues pa pospone e caso pa dia 17 Augustus 2017 o sea otro luna.

Hues a bay di acuerdo cu e peticion di Fiscal y a pospone e caso.

Ta asina cu sin e procesverbaal oficial, Hues no por trata e caso. E procesverbaal oficial aki mester bay pa e abogado, Fiscal y Hues.

Ta a base di loke tin den e procesverbaal aki, lo trata e caso caminda Fiscal lo bisa kico e ta pensa di e caso y abogado lo mester hiba su defensa.

Despues ta Hues ta na turno. Sa sosode cu Hues ta dicidi di dicta sentencia di biaha. Mayoria di biaha, Hues ta stipula un fecha pa asina e por studia e caso y riba e fecha e lo dicta sentencia.

Recientemente tabatin un caso contra un homber sospecha di a abusa di un mucha di 8 aña, caminda Hues a declara e sospechoso liber. Tabata interesante pa scucha Fiscal bay hopi amplio riba decision di Corte Supremo di Hulanda. Ta asina cu hopi biaha den casonan di abuso, ta declaracion di e victima contra e sospechoso. Hopi biaha e sospechoso ta nenga y e ora ey e caso ta bira dificil.

Segun decision di Corte Supremo, por usa pruebanan di sosten. Cu pruebanan di sosten ta referi aki cu declaracion di personanan cu lo sa di e caso y cu lo por duna declaracion cu ta duna indicacion cu e sospechoso ta culpable. Hopi biaha ta usa e declaracion di e mama, e amistadnan di e victima cu lo a mira of tende algo.

Aunke cu Fiscal ta haya cu tin suficiente prueba, Hues tabata duda y a declara e sospechoso liber. Fiscal, kende a exigi 3 aña di prison pa e sospechoso, a apela e sentencia.

Aki por mira cu casonan di abuso ta hopi dificil y ta pesey Fiscal ta busca tur manera pa haya pruebanan di sosten pa asina e tin e siguranza cu e sospechoso lo haya castigo di prison.

 

- Advertisement -

DUNA COMENTARIO

Please enter your comment!
Please enter your name here