Home Suceso Agresor y Polis mata ayera anochi na Boegoeroei

Agresor y Polis mata ayera anochi na Boegoeroei

2981
0
SHARE
- Advertisement -

Cuerpo policial ta den luto:

ORANJESTAD(AAN)—Dialuna alrededor di 7:30 or anochi tabata tin un asistencia na Boegoeroei # 50 na Noord. Na dado momento e agresor a dal e agente di Polis cu un bloki den cabes y pa cual e colega Polis a saca su arma reglamentario y a tira e agresor mortalmente.  Cu urgencia a transporta e Polis pa Hospital.

Pero lamentablemente na yegada Dokternan no por a haci mucho cu constata morto di e Polis trahando na Noord cu ta Tino Ruiz.  E tin ocho aña trahando den Cuerpo Policial. Actualmente na warda di Noord. E adres ey mas biaha ta duna asistencia pa e mesun persona cu Polis a tira.

Dialuna anochi pasa di 7or a drenta informacion cu mesun yiu homber a lanta cu famia. Ora Polis a yega e tabata de remate. El a cuminsa agredi un di e agentenan cu bloki den cabez y e otro a pidi refuerzo cu urgencia pasobra su colega ta herida.

E otro agente mester a tira e agressor cu a haya tiro y muri mesora na e sitio den e cura di cas.

E otro agente herida a bay cu ambulance pa Hospital. Cuerpo Policial ta di luto. Coleganan di Polis a presenta na Hospital mesora y aki nan a uni y consola otro.

Minister di Husticia, Alto Comisario di Polis y tambe presidente di Sindicato di Polis tabata presente na Hospital unda a atende cu tur e miembronan di cuerpo Policial cu a presenta ora e noticia a drenta cu nan Colega Tino Ruiz a fayece.

Brigadier Tino Ruiz a nace na Aruba dia 6 di mei 1984 y tabata tin apenas 8 aña trahando como polis na distrito Noord. Ta consider’e un polis masha stima.

Ta prome biaha den historia cu a mata un Polis na pia di trabou: “Ta pa prome biaha cu un Polis ta fayece ‘in line of duty”, asina Alto Comisario di Polis, mr. Adolfo “Dolfi” Richardson a duna di conoce. El a confirma cu investigacion ta andando caba, entre recherche di Noord y Landsrecherche relaciona cu e parti di tiramento.

E agresor den e caso aki ta e homber  Ericho Jimmy Tjong Kon Sang, naci na Surnam dia 26 di october 1976.

Tanto Alto Comisario Richardson como Minister di Husticia, mr. Drs. Arthur Dowers a expresa palabranan di condolencia na famia di ambos fayecido. Paz na su restonan y hopi forsa na e famia pero tambe na Henter Cuerpo Policial cu a keda sacudi cu e situacion aki,

 

 

- Advertisement -

DUNA COMENTARIO

Please enter your comment!
Please enter your name here