Home Turismo Algun sector ta sintiendo efecto di bahada di turismo venezolano na Aruba

Algun sector ta sintiendo efecto di bahada di turismo venezolano na Aruba

22
0
SHARE
- Advertisement -

ORANJESTAD (AAN) – Tin un inkietud cerca e companianan cu ta duna e turistanan servicio, cu ta sintiendo un bashi den e industria aki, cu tin nan sumamente preocupa.

Den e sentido aki Matutino DIARIO a acerca sra. Ronella Tjin Asjoe- Croes, director di Aruba Tourism Authority (ATA), ken a splica cu diferente sector ta sinti falta di e mercado di Venezuela.

Esnan cu ta depende di e mercado Venezolano lo ta impacta door di e caida cu por mira di e turismo di Venezuela. sra. Ronella Tjin Asjoe- Croes a expresa.

Esaki ta remarcable den e ultimo cifranan di turismo, e dama a comenta, agregando cu sigur esnan cu ta depende di e mercado aki ta sintiendo e efecto di esey.

E caida aki ta atribui na e tipo di bishitantenan cu tabata bin specialmente pa haya acceso na dollar, y cu no tey mas.

Tambe mester tene na cuenta cu cierto grado  di e bishitantenan Venezolano cu tabata bin regularmente, tambe a bira menos debi cu nan, posiblemente a emigra, y a scoge kizas otro destinonan.

Sra. Ronella Tjin Asjoe a indica cu di otro banda, tirando un bista riba e prome seis lunanan di e aña en curso, Merca cu ATA a proyecta cu un crecemento di cinco porciento e aña aki, ta mustrando un incremento di casi nuebe porciento durante e mesun periodo aki di seis luna.

Esaki ta debi na un estrategia cu ATA a bin cune, pa pusha Merca mas, pasobra con cu bay bin esaki ta e dos mercadonan principal pa turismo y pa negoshi pa Aruba.

E dama a splica cu a logra avanza hopi bon den e mercado di Merca, pero por ta su beneficio no ta bin na mesun grado pa tur sector.

Otro aspecto hopi importante ta turismo crusero, cu a pone mas forza den e parti di low season. Ambos, mirando e cifranan durante e aña, pa loke ta regarda stay overs mensual, casi no tin diferencia entre temporada halto cu temporada baho.

Segun sra. Tjin Asjoe, pa turismo crusero esaki ta mas presente cu nan ta book hopi mas barco adicional, durante e temporada di Mei te September.

Pa e otro aña nan ta premira un aña record atrobe, pa loke ta trata turismo crusero unda cu e crecemento di mas grandi lo bin den e lunanan di Mei pa September cu tambe ta un beneficio considerando e temporada halto vs temporada abao.

- Advertisement -

DUNA COMENTARIO

Please enter your comment!
Please enter your name here