Home General Ambos sospechoso di bomb melding riba Southwest den libertad

Ambos sospechoso di bomb melding riba Southwest den libertad

256
0
SHARE
- Advertisement -

ORANJESTAD  (AAN):  E dos muhernan Mericano cu a keda deteni despues di e alarma di bomb riba Southwest ta bek den libertad. Nan a para ariba cu nan no a haci e acto aki. E tripulacion di e avion mes a faya den cierto sentido.

For di momento cu nan a haya e mensahe den baño mester a seal e baño pa evita su uso. Esey nan no a haci. Ademas a mishi cu e saco unda e mensahe a wordo poni. E tabata den baño parti dilanti di e avion. Asina mas hende mishi e papel unda e mensahe ta, por kita cualkier evidencia unico cu por tin riba e saco.

E dos muhernan durante interogacion no tabata sa kico a sosode exactamente. Nan tabata esnan indica pa pasaheronan cu a mira nan drenta baño. Esey tambe nan a admiti durante interogacion. Hasta nan lo a haci uso di e baño patras y e baño dilanti.

Kiermen durante e vuelo aparentemente nan a usa e baño mas cu un biaha. Den un di e biahanan faltando poco pa avion baha, hasta e purser parce a hiba un di nan na e baño dilanti. Pesey mes e cos tabata basta bruha riba e avion mes na e forma cu nan a atende cune. Despues di interogacion di oranan largo, a bay over na detencion di ambos y a pasa e prome anochi den dos diferente warda sera den cel.

E diabierna a pasa un biaha mas e proceso di interogacion. Finalmente a bin tende cu ambos a wordo laga den libertad. Ningun biaha durante e interogacion e dos muhernan a admiti di a skirbi cualkier mensahe di bom y laga atras den e baño.

Varios hende a usa e baño hasta despues di descubri e papel cu e mensahe y aki ta caminda e tripulacion a faya. Mientrastanto e capitan no a confia mas di bolbe Merca cu e avion y pesey mes e avion a pasa un anochi na Aruba. E capitan si mesun anochi a bandona Aruba riba otro vuelo.

Un otro crew cu a bin Aruba a aborda e avion y asina a bolbe cu esaki Merca diabierna atardi pa anochi. E dos muhernan aki a scapa di un demanda basta pisa si a proba cu nan ta culpable.

- Advertisement -

DUNA COMENTARIO

Please enter your comment!
Please enter your name here