Home General APA: Companianan crusero ta considera Aruba un “Destinacion Marki”

APA: Companianan crusero ta considera Aruba un “Destinacion Marki”

207
0
SHARE
- Advertisement -

ORANJESTAD (AAN) – Director di Aruba Port Authority (APA), Ing. Jossy Figaroa, a duna di conoce den entrevista cu Matutino DIARIO, cu companianan di crusero ta considera Aruba como un Puerto importante.

Asina nan ta mustra ora nan bisa, den nan presentacion, cu Aruba ta un “Destinacion Marki”. Esey ta nifica cu Aruba ta un producto cu cual nan por genera mas entrada pa nan.

Locual ta determina cual destino nan ta bay ta placa. “Placa pa nan ta tur cos” Figaroa a declara. “Kiermen, e turista mester ta dispuesto na paga un suma mas halto si e ta bin Aruba; riba e barco ey e turista mester cumpra mas hopi y ora nan yega Aruba nan ta haya un parti di un tour. Por ehemplo, si e tour ta costa 50 dollar, e turista ta haya un parti di esaki, sea 10 of 20 dollar”, Figaroa a splica. 

Cu otro palabra si nan bin Aruba nan ta genera mas placa cu si nan bay otro Isla den Caribe, segun e director di APA.

El a agrega cu ta hopi importante pa mantene e cantidad di turistanan crusero cu ta biniendo Aruba pero tambe pa nan sigui crece den futuro.

Un punto importante cu sr. Figaroa a menciona ta cu nan kier sigui crece pero den temporada di verano, pasobra den lunanan di Januari, Februari y Maart tin biaha tin cuater crusero y tin biaha hasta APA mester nenga barco, y den verano tin dia cu no tin mes.

APA ta duna incentivonan mescos cu ATA pa trece mas barco durante temporada abao. Figaroa a confirma cu e cantidad di turistanan crusero e aña aki ta mas cu aña pasa, y otro aña ta premira cu lo bin mas cu e aña aki.

“Esaki no ta algo cu ta bin di su mes. Nos tur ta trahando duro y nos pueblo cu mester sigui trata bon e turistanan aki, cu te dia di awe e hospitalidad di Aruba ta hopi importante. Mi a kere cu el a bira menos pero ora bo ta puntra pakico nan ta bin Aruba e motibo number uno ta nos hospitalidad”, sr. Jossy Figaroa a subraya.

- Advertisement -

DUNA COMENTARIO

Please enter your comment!
Please enter your name here