Home Turismo Aruba awor tin un voz y un voto den COTAL

Aruba awor tin un voz y un voto den COTAL

27
0
SHARE
- Advertisement -

ORANJESTAD(AAN): — Vicky Perez ta representa Aruba den COTAL y a haya reconocimento durante un cena y lo sigui cu un conferencia den e proximo dianan. Pa nos isla esaki ta importante pasobra a haya un voz y voto den  e confederacion di touroperatornan di America Latina como pais. E ta hopi importante pa nos pasobra awor aki nos isla ta wordo mira den America Latina y Caribe como un pais y no solamente algo parti di e reino Hulandes.

Ta sinti cu Aruba a tarda pa forma parti di COTAL. 60 aña. COTAL ta den e industria caba pa asina tanto tempo y den e tempo aki, Aruba no tabata den ningun momento den e integracion di e confederacion aki. E aña aki of for di aña pasa a cuminsa hunto cu e presidente di COTAL kende ta Armando Bojorgues, pa duna Aruba e oportunidad pa bira parti di COTAL como pais.

Esey tabata un lucha di un aña pa nan wak’e manera cu nos ta un isla den Caribe. Si nos ta pertenece na Hulanda, pero nos ta un pais cu nos mes ta forma parti di e industria di turismo tambe pa America Latina y Caribe.

Tin hopi compania turistico cu ta parti di COTAL. Segun Perez, awor aki COTAL ta conforma pa 25 pais cu tin cada un su embahador. No solamente esey, pa nos como Aruba, cu ta integrando awor aki, formando parti di America Latina, den e paisnan cu nunca a wordo bishita pa promove Aruba como destino turistico, awor aki, Perez, kende ta forma parti di COTAL como embahadora pa Aruba, tin un voz unda cu e ta mustra cu Aruba, den e paisnan aki, por bay pa haci turismo  manera Nicaragua, Costa Rica, Panama, unda tin aerolinea pa bin Aruba, pero nunca no a busca e mercadonan ey pa por diversifica nos mercado turistico.

Perez a menciona cu un luna pasa, nan a nombr’e como embahadora di COTAL pa Aruba, pero ayera nochi tabata importante, pasobra tabata e nombramento oficial, unda cu ta e celebracion unda nan ta adheri Aruba como socio pleno di COTAL den e prome biaha den 60 aña. Ta algo importante pa Aruba como pais, pero tambe cu COTAL, cu ta prome biaha cu nan tin un isla cu ta den teritorio Hulandes, cu ta bay forma parti di COTAL.

Perez ta feliz, pasobra ta algo cu esaki ta bay ta un legado cu e ta bay laga pa nos hendenan, nos hobennan, nos turismo pa Aruba. Algo cu nunca antes a wordo haci, no a wordo mira, pero awor aki tin un caminda, nos a habri un porta pa Latino America, unda awor aki ta wordo mira como pais cu ta algo hopi importante mes.

E beneficio pa Aruba ta cu nos ta bay mira cu nan ta bay identifica Aruba como un pais importante den turismo pa Latino America y Caribe, unda awor aki por tin un voz y voto den organisacion mundial di turismo, cual ta masha importante pa nos tambe.

 

 

- Advertisement -

DUNA COMENTARIO

Please enter your comment!
Please enter your name here