Home Enseñanza Arubahuis ta cla pa ricibi nos studiantenan cu ta bin Hulanda

Arubahuis ta cla pa ricibi nos studiantenan cu ta bin Hulanda

41
0
SHARE
????????????????????????????????????
- Advertisement -

ORANJESTAD   (AAN):  Directora di Arubahuis Shandra John ta informa cu Arubahuis ta cla pa ricibi tur e studiantenan cu ta biniendo Hulanda pa sigi man studio.

Particularmente e departamento di Enseñansa di Arubahuis den un cooperacion estrecho cu e mentornan y tur e Plaatselijke Opvangcommissie (POC) ta bon prepara pa ricibi nos studiantenan na yegada na Schiphol.

E percura pa tin transportacion pa tur studiante pa nan ciudad pa aki nan por cuminsa  cu e opvangprograma den nan ciudad. Esaki ta un programa intensivo cu a wordo hinca den otro door di e POC bou coordinacion di e mentor.

E grupo mas grandi di studiante lo yega diamars 1 di augustus, riba tres vuelo. Un grupo mas chikito lo yega riba un vuelo e dia siguiente, esta diaranzon 2 di augustus. Diahuebs 3 di augustus lo tin tres studiante cu lo yega Hulanda riba un solo vuelo. Tur tres dia lo bay tin funcionarionan di Arubahuis y mentornan presente na Schiphol pa ricibi y guia e studiantenan aki pa nan ciudad.

Si e studiantenan tin algun pregunta ainda nan por tuma contacto libremente cu departamento di Enseñansa di Arubahuis of cu nan mentor.

Directora di Arubahuis Shandra John ta desea e studiantenan un bon viahe y tur clase di exito cu nan estudio y ta bisa: “Nos lo topa na Schiphol!”

 

- Advertisement -

DUNA COMENTARIO

Please enter your comment!
Please enter your name here