Home Turismo Autonan riba Blvd. na Eagle Beach a mata turtuganan chikito Driekiel

Autonan riba Blvd. na Eagle Beach a mata turtuganan chikito Driekiel

223
0
SHARE
?
- Advertisement -

Tortugaruba ta zona alarma atrobe:

ORANJESTAD  (AAN) — Diamars madruga Fundacion Turtugaruba a wordo yama pa e Security di La Cabana, cu turtuganan chikito a tuma rumbo pa caminda, unda autonan a pasa y mata 6 di nan.

E Driekielnan chikito a sali di un neishi cu no a cumpli e periodo di incubacion completamente. Pesey Turtugaruba no a cera e neishi ainda, manera normalmente ta wordo haci 60 – 70 dia despues cu e webonan a wordo poni.

Ora un neishi ta sali den scuridad di anochi, e chikitonan ta depende di nan instinto pa haya e laman. Den un ambiente sin desaroyo, nan ta hala for di e parti mas atras y scur di e beach y bay na e parti mas cla, na unda e streanan ta refleha riba e lama y unda nan wak e horizonte cla y sin obstaculo.

Pero na Eagle Beach tin hopi luz artificial, net na otro banda di e beach. Palo di luz banda di caminda, luznan di hotel. Pesey e turtuganan ta bay den direccion robes si e luznan artificial no ta blokia.

Turtugaruba, e fundacion cu ta proteha e turtuganan di laman na Aruba pa mas cu binti aña caba ta hopi preocupa. E diferente gobiernonan di e ultimo binti aña a desaroya mas y mas edificio canto di laman pa gana placa lihe.

Te cu awor aki ainda nan ta duna permiso pa construi hotelnan nobo, condominio, bar, etc.

Ya caba tur turtuga di lama a desaparece di Palm Beach pa via di e desaroyonan. Nan no ta bin mas  eybanda. Asina e beach ta pa recreacion di hende so.

Y awor mes cos lo bay sosode na Eagle Beach. E cuido constante di e voluntarionan di Turtugaruba no por preveni cu e turtuganan ta den un situacion hopi peligroso.

Construccion di otro hotel banda di Eagle Beach (no un hotel “low rise” pero uno di mas piso) ta pendiente. Y banda di Costa Linda Resort e gobierno a traha un bar riba e beach, net na unda e Driekielnan tabata traha nan neishi cu mas frecuencia e añanan anterior. Eigenlijk e bar a wordo construi pa e turistanan di crucero pa nan por bay na e beach ey y haci uso di baño y por cumpra algo di bebe. Intencion tabata cu e tourist facility lo ta habri solamente durante e oranan di dia.

Esaki a wordo priminti na Turtugaruba. Pero e bar a haya permiso di DIP pa keda habri cada anochi te cu 12 or. Causando cu te laat autonan ta pasa y e luznan ta ilumina e beach constantemente. Pa colmo e matanan di druif cu a duna proteccion contra e luznan di e caminda a wordo minimaliza. Alcohol y desordo a tuma e lugar di nos naturalesa.

E Driekielnan cu tin mester di un beach tranquil y scur pa su sobrevivencia ta den dificultad.

E neishi di turtuga ta proteha pa Ley na Aruba, pero hopi ley local no ta wordo cumpli. Y internacionalmente Aruba no ta cumpli cu su debernan tampoco.

Naturaleza lo bay perdi na Eagle Beach y e programa di SDG (sustainable development goals) no ta parse den alcanse.

- Advertisement -

DUNA COMENTARIO

Please enter your comment!
Please enter your name here