Home Economia Banco Central di Aruba ta adverti publico encuanto “Questra”

Banco Central di Aruba ta adverti publico encuanto “Questra”

4377
2
SHARE
- Advertisement -

ORANJESTAD (AAN): E advertencianan relaciona cu e forma dudoso di operacion di e conocido sistema di gana placa “Questra”, ta conoci pa algun tempo caba.  Varios instancia priva, como tambe gubernamental rond mundo a haci investigacion, y a expresa nan preocupacion pa cu e background dudoso di esnan cu ta na ‘top’ di e organizacion.

Ademas di advertencia di varios pais, etc., awor ta Banco Central di Aruba ta sacando Diahuebs mainta un propaganda grandi den prensa, pa adverti publico encuanto Questra Holdings, Questra World y Atlantic Global Asset Management

Banco Central di Aruba (BCA) ta adverti publico pa cu actividadnan di e companianan Questra Holdings, Questra World y Atlantic Global Asset Management.

Questra Holdings, Questra World y Atlantic Global Asset Management ta ofrece servicionan di inversion na Aruba, por ehemplo, via e medionan social manera Facebook. E companianan aki no ta den posecion di un permiso di BCA pa por ofrece e sorto di servicionan menciona na of for di Aruba.

BCA ta conseha publico enfaticamente pa no responde na cualkier inversion ofreci door di Questra Holdings, Questra World y Atlantic Global Asset Management como tambe pa no transfereri placa pa cualkier cuenta bancario cu nan por a menciona.

BCA ta enfatisa cu no por tin un rendimento halto sin tin un riesgo halto. Alega lo contrario  por ta un indicacion di fraude y consecuentemente lo mester tuma maximo cuatela.

Por ultimo, Questra Holdings, Questra World y Atlantic Global Asset Management ya caba tabata suheto na diferente advertencianan/aviso publica door di diferente autoridadnan di supervicion den exterior, manera “Financial Conduct Authority” di Reino Uni, “Autoriteit voor Financiële Diensten en Markten” di Belgica, “Financial Market Authority” di Liechtenstein, “Financial Supervision Authority KNF” di Polonia y “Comision Nacional del Mercado de Valores” di Spaña.

 

- Advertisement -

2 COMMENTS

  1. Saludos na un y tur. Atrobe BCA ta adverti contra un otro tipo di Business online cu e no por hanja entrada di dje y pesey ta adverti Aruba.
    Ultimo BCA a duna un comunicado di un compania di oro cu tambe supuestamente ta peligroso y cu ta estafa hende y cu te dia di awe ta funcionando y ta dunando nan miembronan rond mundo un entrada adicional pero na Aruba e ta un estafa pasobra Banco Centraal di Aruba no ta hanja un ganashi di e companianan aki, pesey. Pero nan ta lubida cu si e poder di compra di cada ciudadano subi, ta na Aruba mes e lo gasta e entrada ey y ta hisa entrada di consumo, belasting enz? Dus pakico tene e pueblo abou?

    Aruba, hasi boso huiswerk y no laga e oportunidadnan pasabo di largo pasobra un paar di persona ta bisa cu e ta peligroso. Tur negoshi tin su riesgo sea na Aruba of Online.

    Y pa informashon di Aruba, NIUN pero NIUN compania online NO mester di permiso di BCA pa bo por hasi negoshi online pasobra nan no tin oficina na Aruba. Nann mester tin nan permitnan na e paisnan cu nan ta establesi.

    NO LAGANAN GANJABO!!!!!

DUNA COMENTARIO

Please enter your comment!
Please enter your name here