Home Deporte Benjamin Francees no ta laga Minister Schwengle atacha su bon nomber den...

Benjamin Francees no ta laga Minister Schwengle atacha su bon nomber den comunidad

794
0
SHARE
- Advertisement -

ORANJESTAD (AAN): Despues a tuma algun consehonan den seno familiar y tambe den e seno deportivo / comercial, a dicidi cu lo reacciona riba e ponencianan sin base di un mandatario di Aruba cu e ta e caso aki specifico Minister di Deporte dr. Alex Schwengle. Cu tur respet pa dr. Schwengle e biaha aki a comete un error grandisimo. A purba pa catagolisa Sr. Francees como un hende cu ta gaña yamando e pa un mentiroso. Nos ta reacciona mes ora mirando cu Sr. Francees a gana hopi respet den comunidad pa e trabaonan social / deportivo cu el a hasi e ultimo 10 aña nan. Un trayectoria impresionante unda cu via PONY Baseball a organiza varios “Serie del Caribe” na Aruba (2015, 2016 y 2017) y a zorg hopi mucha na Aruba alrededor di 800 basebolista a practica y hunga baseball den categorianan 5 te cu 18 aña. Unda e mayornan ta sumamente contento. Pa saca un conclusion asina nos ta pensa cu no ta na su lugar. Mester remarca cu te ainda ningun combersacion mas di 10 minuut no a tuma lugar entre Sr. Benjamin Francees y dr. Alex Schwengle, pasobra tur reunion cu tabata tin den pasado (April 2016, Mei 2016 y Nov 2016) Sr. Minister NO tabata ni presente na dicho reunion nan entre ABBA, Little League y Pony League cu representantenan di Gobierno. Awe ta bin tilda Sr. Francees di ta un mentiroso? E palabra Peligroso a cay tambe, poniendo cu Sr. Francees lo ta un homber peligroso pa Aruba. E cos ta cu Sr. Francees ta bisa e berdad den cara di hende y no tras di lomba, un homber di caracter cu ta traha duro pa Deporte. Sr. Benjamin Francees ta expresa su opinion y ta para tras di su palabranan. PONY LEAGUE ta nifica Protect Our Nation’s Youth, esey nos ta haci tambe, tur mucha mester haya e trato igual na Aruba, si e muchanan cu ta hunga Little League ta haya subsidio pa bay representa Aruba den exterior, dicon PONY no ta haya? E argumento cu mester ta miembro di ASU y mester ta un federacion pa por bin na remarke pa haya subsidio di comision di subsidio NO TA BERDAD!!!! Pasobra tin stichting nan cu si ta haya Subsidio di Comision di Subsidio, dus e artikel cu e ser menciona cu ta Articulo 16, esey no tin validez pa worde uza, siendo cu Minister mes a kibre dunando asta Little League subsidio. Aki e discriminacion ta pasando entre muchanan di PONY y muchanan di Little League. Sr. Francees lo bini despues riba e Lotto pa Deporte den un proximo oportunidad.

- Advertisement -

DUNA COMENTARIO

Please enter your comment!
Please enter your name here