Home Enseñanza Biblioteca na Aruba a gana otro premio internacional di ACURIL

Biblioteca na Aruba a gana otro premio internacional di ACURIL

13
0
SHARE
- Advertisement -

Pa Green Education Symposium di Green Education Project

ORANJESTAD (AAN): Green Education Symposium di Green Education Project di Biblioteca Nacional Aruba recientemente a gana e prestigioso “The Acurilean Flamboyan Award” for Research and Creativity in the Information and Knowledge Field di ACURIL (Association of Caribbean University, Research and Institutional Libraries) durante e di 47 Conferencia di ACURIL cual a tuma lugar den Condado Plaza Hilton na San Juan, Puerto Rico for di 4 pa 8 di juni, 2017.

Esaki ta e di dos premio internacional di ACURIL pa Green Education di Biblioteca Nacional Aruba! E prome reconosimento internacional di ACURIL “The Albertina Pérez de Rosa Information Units Alliances and Collaborative Projects in the Caribbean, Puerto Rico, ACURIL 2013 Award” pa Green Education a worde otorga na aña 2013 den InterContinental San Juan na San Juan, Puerto Rico.

Coordinador di Green Education Symposium Aruba 2012-2017 di Green Education Project di Biblioteca Nacional Aruba y Information Specialist di Biblioteca Nacional Aruba sr. Ronny R. Alders a risibi e prestigioso  “The Acurilean Flamboyan Award” den nomber di Directora señora Astrid Britten di Biblioteca Nacional Aruba y Biblioteca Nacional Aruba durante e “Red Carpet Evening Closing Ceremony, Awards and Banquet” cual a tuma lugar diahuebs  8 di juni, 2017 den Condado Plaza Hilton.

Den e speech di agradesimento  e anochi ey sr. Ronny R. Alders a dedica e prestigioso “The Acurilean Flamboyan Award” na Directora señora Astrid Britten di Biblioteca Nacional Aruba y e empleadonan di Biblioteca Nacional Aruba, tur e stakeholdernan di Green Education: SETAR Aruba N.V., Utilities Aruba N.V., Departamento di Agricultura, Cria y Pesca (Santa Rosa), Green’s’Cool , Gobierno di Aruba, Elmar Aruba N.V., W.E.B. Aruba  N.V., Stichting Festas, Bureau Innovatie, IBiSA, e studiante- y maestronan di e schoolnan primario di Aruba/schoolnan secundario di Aruba /educacion avansa di Aruba, e comision di Green Education Symposium Aruba 2012-2017, e oradornan invita pa Green Education for di Aruba, Merca, Hulanda, Corsou, Haiti y Guyana y na henter e pueblo di Aruba!

E proximo conferencia di ACURIL lo tuma lugar otro aña na Santo Domingo, Republica Dominicana.

- Advertisement -

DUNA COMENTARIO

Please enter your comment!
Please enter your name here