Home Deporte Braeden van Spaandonk y Dasean Mingo a sali MVP durante e campeonato...

Braeden van Spaandonk y Dasean Mingo a sali MVP durante e campeonato 2016-2017 di Aruba Basketball Bond

48
0
SHARE
- Advertisement -

ORANJESTAD (AAN): Recientemente Aruba Basketball Bond a termina cu nan campeonato di e temporada 2016 – 2017. E federacion a conoce un tremendo campeonato y tin masha aprecio pa e organisacion cu a participa cu nan ekipo nan den tur division engrandecimento e deporte di basketball na Aruba. E ekipo nan cu a compete e aña aki tabata Estrella Club Basketball cu 3 team,  De Vuyst/Essoheights Playground cu 4 team y The Sports Unlimited Foundation cu 6 team. Pa loke ta e campeonnan mester bisa cu den e categoria Mini (10-12), e ekipo Campeon 2016-2017, a resulta Ecotech Stealers Thunderstorms mientras e di dos lugar a keda Essoheights Playground Impact Ballers. E MVP a bira Braeden van Spaandonk. Den e categoria Pasarella (13-14), como e ekipo campeon a keda Impact Bandits, mientras na un di dos lugar a keda e kipo di Ecotech Stealers. E MVP den e liga aki e resulta Dasean Mingo. Di aki banda Lotto, e loteria di Aruba ta felicita Aruba Basketball Bond cu nan tremendo campeonato di basketball y ta contento cu pa medio di Comision di Subsidio a subsidia e campeonato di basketball.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organiza loteria, cambia bida di su hungadornan y na mes momento inverti den deporte local pa medio di donacionnan na e Comision di Subsidio. Potret pa cortesia di: Seever krozendijk.

- Advertisement -

DUNA COMENTARIO

Please enter your comment!
Please enter your name here