Home General Bucuti & Tara Beach Resort ta inverti afl 9 miyon den renobacion

Bucuti & Tara Beach Resort ta inverti afl 9 miyon den renobacion

62
0
SHARE
- Advertisement -

ORANJESTAD (AAN) — Recientemente, Bucuti & Tara Beach Resort, a desvela su seccion renoba di Tara. Bucuti & Tara ta un resort renombra den Caribe y reconoci internacionalmente pa su romanticismo, ambiente trankilo, y servicio excelente. Cu e meta di semper ofrece calidad, Bucuti & Tara a tuma e decision pa renoba e seccion prome cu por cuminsa nota decadencia den e producto.

E renobacion importante aki tabata un inversion di $5 miyon

Desde 1 di juli 2017, e resort popular cu ta destina solamente pa adulto, a yama bon bini atrobe na parehanan pa experiencia e renobacionnan moderno den Tara lobby, lounge y den e 44 suites cu bista pa Eagle Beach. E renobacion importante aki tabata un inversion di $5 miyon, cu un promedio di $100.000 pa cada camber. E inversion aki usualmente ta wordo presupuesta pa construccion di cambernan completamente nobo. Esaki ta demostra Bucuti & Tara su dedicacion continuo na excelencia. 

Cada suite renoba tin interior nobo cu un aparencia contemporaneo y na mes momento sumamente comodo, cu un toke tropical. Bañonan completamente remodela tin vanidadnan cu ta inclui ‘TV built-in’. Loke sigur ta resalta di e trabounan extenso, ta e detayenan elegante acaba cu tononan cla y trankilisante, accentua cu mueblenan bruin y detayes oranje.

Pinturanan neo-arte di artista local y internacionalmente reconoci, Elisa Lejuez’.

Arte ta un punto focal den cada camber. E pinturanan neo-arte ta di artista local y internacionalmente reconoci, Elisa Lejuez. Na aña 2014, Bucuti a ricibi di e artista e coleccion Zen, cu ta exibi den e cambernan di seccion Bucuti. Lejuez ta conoci como un diseñadora versatil. Su ultimo coleccion ta ‘Colorido, canvasnan rico na patronchi’, segun descripcion di New York Times.

Bucuti tin un historia di 30 aña usando materialnan cu solamente ta yuda proteha nos medio ambiente’

Nombra pa Green Globe, pa e hotel mas sostenibel rond di mundo, Bucuti tin un historia di 30 aña usando materialnan cu ta yuda proteha nos medio ambiente. Material cu a wordo uza, incluyendo verf y e mueblenan, ta di calidad halto y compatible cu normanan di LEED. Bucuti ta adheri na e normanan di sostenibilidad como e unico propiedad den Caribe cu ta certifica cu LEED Silver. Adicionalmente, e renobacion tambe ta inclui instalacionnan di aire acondiciona systema VRF cu ta e technologia sostenibel di mas nobo.

Bucuti su team di maneho ta conoci pa su dedicacion incansabel na construi y mantene relacionnan duradero cu su bishitantenan cu un gran interes na siña y comprende nan gusto y expectativa di e real significacion di vacacion.

“Nos a renoba hopi mas prome cu e seccion a cuminsa bay atras pasobra nos ta kere cu huespednan di Bucuti & Tara Beach Resort merece e mihor di experiencia door di a eligi nos pa nan vacacion”, segun Ewald Biemans, propetario y CEO di Bucuti & Tara Beach Resort. “E renobacion di e seccion di Tara ta refleha nos dedicacion na nos huespednan, na romance, bienestar general y na sostenibilidad”.

 

- Advertisement -

DUNA COMENTARIO

Please enter your comment!
Please enter your name here