Home Policial Cantidad di ilegal descubri y deteni den Uruguaystraat

Cantidad di ilegal descubri y deteni den Uruguaystraat

1447
0
SHARE
- Advertisement -

ORANJESTAD(AAN): A haya e informacion cu tin un accion grandi for di marduga, cu un resultado positivo di parti di diferente departamento. Minister Arthur Dowers a conta kico a sosode.

Esaki tabata un adres den Uruguaystraat.

Autoridad a drenta na e adres aki y ta accionnan cu a worde hiba awe marduga, pero cu lo sigui den e dianan cu ta bin, como kiera cu tin un situacion unda cu a bin ta adverti hende pa basta tempo caba cu nan mester stop di sostene ilegalidad riba nos pais. Hopi di nan cu ta haci malo, cu ta bin comete atraco, trece droga, por hacie unicamente pasobra nan ta worde sosteni door di esnan akinan.

Tin ta facilita nan cu auto, cu luga di keda, cu arma, cu informacion di nos negoshinan na pais Aruba. Hasta facilita nan cu mapanan y core haci nan cosnan. Pesey e minister ta kere cu ta un señal hopi cla. A worde anuncia basta siman pasa cu lo actua cu man duro contra esnan cu ta facilita kedamento di ilegal y binimento di ilegal. Esaki ta den cuadro cu menshandel y mens smokkel y diferente autoridad ta envolvi na e momentonan aki. Ta spera cu dentro di oranan por bay mira mas accion tambe, pasobra e cos aki mester caba.

Si bo no tin hendenan honra y hendenan digno y cu tin stimacion pa nan pais pa keda, pa haci tipo di bagamunderianan aki pa sostene hende pa haci tipo di cosnan aki na nos pais. A hiba un lucha hopi duro den e ultimo lunanan y por a mira cu hopi hende a worde cera. Hopi di e crimennan cu tabata worde cometi sosteni pa cierto gruponan. Tambe lo bay bin riba e gruponan local y gruponan politico, cu ta haci politica cu tipo di cosnan aki. Crimen a cay pisa, pero por mira cu el a cuminsa lanta cabes, pasobra nos tin facilitadornan na nos pais y awor tin cu atende cu nan den forma mas pisa.

Den e simannan cu a pasa, a caba di ekipa Guarda nos Costa cu mas personal. A ekipe cu un edificio nobo unda cu lo bay trata e hendenan aki den un forma conforme cu tratadonan internacional, pero si lob ay tin accionnan pisa y no descarta e posibilidad cu mas hende lo worde deteni.

Ta spera cu esnan cu ta sostene bagamunderia na e pais aki door di duna nan luga di keda ilegal, laga nan drenta riba nan nomber y para garantia pa nan, pa nan cuminsa recapacita. E fin di siman aki ta spera pa mira diferente di e hendenan aki ta bandona nos pais, pasobra si nan no bay, husticia lo bin.

 

 

- Advertisement -

DUNA COMENTARIO

Please enter your comment!
Please enter your name here