Home Politica Carlos Jacobs ta un otro candidato nobo riba lista di MEP

Carlos Jacobs ta un otro candidato nobo riba lista di MEP

157
0
SHARE
- Advertisement -

ORANJESTAD    (AAN):   Diaranzon 12 juli, durante conferencia di prensa, Partido MEP a lansa un candidato nobo riba e lista di Movimiento Electoral di Pueblo. Ta trata aki di Carlos Jacobs kende a yena CEDE cu un grupo grandi di sostenedor.

Pa hopi aña, Carlos a traha den ambos e mundo politico y esun gubernamental y a apoya otronan den haci e trabou vigente.

Awo, Carlos a dicidi di uni su mes na Partido MEP pa asina yuda delinea y ehecuta proyectonan importante cu tin prepara pa nos isla. 

E motibo pa cua Carlos a dicidi di uni su mes riba lista di MEP ta pasobra e ta convenci cu Partido MEP lo haci e diferencia den e bida di tur cu ta biba na Aruba cu plannan innovativo, productivo y sin propio interes. Tin hopi desicionnan cu mester wordo tuma pa resolve y pone nos isla den e caminda corecto pa e proximo añanan di gobernacion di nos isla. Y Movimiento Electoral di Pueblo tin tur capacidad pa haci esaki.

“Cada biaha cu Partido MEP lansa un candidato nobo, nos ta lansa un lider nobo riba su mes. Cada candidato riba lista di MEP ta un lider riba su mes. Esaki ta e cualidad primordial cu partido MEP ta busca cada biaha cu nos busca un candidato nobo cu lo lidera e movimiento di cambio pa nos pueblo. Pasobra esaki ta loke cu Aruba merece. Hunto cu coleganan Hendrik Tevreden y Glenbert Croes, Carlos lo percura pa haci Dakota geel!

Partido MEP ta yama bonbini na Carlos. Hunto Aruba henter ta bay p’e cambio”, tabata palabranan di Evelyn Wever-Croes na e ocasion aki.

- Advertisement -

DUNA COMENTARIO

Please enter your comment!
Please enter your name here