Home Policial Caso di cantidad di stranhero indocumenta riba Diabierna ta muestra cu tin...

Caso di cantidad di stranhero indocumenta riba Diabierna ta muestra cu tin negoshi ilegal scondi cu huurmento tambe

913
1
SHARE
- Advertisement -

 

ORANJESTAD  (AAN): Por a tende un cifra hopi halto di hende gara den un compleho chikito di un luga cu ta parce un cas. Minister Dowers a splica cu den e caso specifico aki, polis a bay cu mas di 50 hende. Esey tambe ta bisa cu e cos aki no por, pasobra tin regla cu si bo kier verhuur. Si bo kier verhuur local tin regla. Bo tin di paga belasting tambe. Ta spera cu afpak team por pasa pa mira con e cos aki ta hinca den otro y confisca por ta hasta propiedad. Pero esey ta bira un fase despues.

Ora haci tipo di cosnan aki no ta kere cu ta cumpli cu tur regla di e pais aki pasobra tin regla di siguridad, pa loke ta brandweer, tin regla di belasting na momento di huur luganan aki. Na hotel tin esaki. Si bo no cumpli cune, tin mas team di husticia cu a worde poni in place cu tin cu pasa hacibo un bishita. E cos principal tey cu ningun hende no por bisa kico ta pasando. Una bes cu bo tin dje tanto cantidad di hende y cu tanto ta ilegal, no por bisa cu bo no sa cu esaki ta andando. Spera mas ta bay bin afo di e situacion aki y spera cu mas hende bay spierta, pasobra a adverti pa simannan largo. Ta spera cu ningun hende bisa cu nan no tabata sa.

Departamentonan envolvi:

Por a tende cu hasta e cas ta cera cu heki. Polis a bin cu masha cautela a prepara pa drenta. Segun minister, ora cu prepara tipo di accionnan asina, masha hopi departamento di polis y Recherche ta envolvi, CEA, Guarda nos Costa logicamente y imigracion, pasobra nan tin cu facilita e trabao aki. Importante di esaki ta cu husticia a cera cabes y husticia a bisa cu ta basta. Ta spera cu e señalnan por worde manda cu ta keda actua contra nos leynan, cu nan ta bin pa e criminalnan y pa esnan cu ta facilidad criminal, pasobra bo tambe ta un criminal ora cu bo facilita actividadnan criminal.

Otro cosnan:

E otro cosnan lo ta pa cuerpo policial mes, kendenan lo anuncia tecnicamente loke nan a constata. Loke ta importante ta e fenomeno cu a bin ta adverti basta tempo riba dje caba. Na momento cu un accion grandi asina a worde haci y a constata toch cu tanto cu a papia, a adverti, a duna informacion, cu hende no ta tuma na serio, polis mes lo comunica.

Hendenan local:

Un ilegal no por tin un cas aki. Esnan cu ta facilita esaki ta hendenan local. A adverti nan tambe pa nan ta cauteloso na momento cu ta haci e cosnan aki pasobra por haya nan mes confronta cu husticia. Ta un señal pa e otro hendenan cu husticia ta serio y determina pa para e bagamunderia y e sostenemento di bagamunderia na nos pais.

- Advertisement -

1 COMMENT

  1. E illegal ta un ser humano cu no ta legal. Posise entre WEB cu ELMAR hende por yega na controla e aumento di uzo y yega na limita e abuzo di ser humano cu ta sosode. E ta un abuzo pa probecha di e dolor cu hende ta aden caba. Podise Gobierno mes por bini cu un manera pa yiuda un sierto cantidad di illegalnan, ken sa, e por beneficia un pais yena cu corrupcion pa hasi obra di caridad.

DUNA COMENTARIO

Please enter your comment!
Please enter your name here