Home Hudicial Caso Posponi: Hoben di 17 aña cu ta hinca su mesun tata...

Caso Posponi: Hoben di 17 aña cu ta hinca su mesun tata varios biaha cu cuchio dilanti Hues

418
0
SHARE
- Advertisement -

ORANJESTAD   (AAN) – E caso penal cu Ministerio Publico a cuminsa contra e hoben C.(17) no a sigui. Recientemente e sospechoso C. a presenta den Corte caminda Fiscal a bisa cu e caso ta pro forma. A dicidi cu ta pospone e caso pa otro luna.

HINCA TATA CU CUCHIO

E acusacion cu Fiscal a presenta contra C. ta cu dia 31 di Maart 2017, C. a hinca su mesun tata cu un cuchiu varios biaha den su braza. Fiscal a bisa Hues cu e ta considera esaki un intento di maltrato severo cu arma.

Fiscal a sigui bisa cu e procesverbaal ta cla pero no tin espacio pa trata e caso. El a propone pa dia 17 Augustus 2017 lo por trata y lo bin dos caso pendiente acerca.

Abogado mr. Bryson a bisa cu e ta contra cu mester pospone e caso. E abogado ta haya cu tin raport di psicologo y e procesverbaal ta cla.

HOBEN TA KEDA SERA

Hues a bisa cu e no ta dispone di e procesverbaal oficial y ta pospone e caso pa dia 17 Augustus 2017. E hoben C. lo keda sera te dia di e caso.

Ta tristo pa mira con un hoben di 17 aña ta sera den KIA pa motibo cu el a hinca su tata no 1, sino varios biaha cu un cuchio.

Ta kico ta pasando cu nos hobennan cu nan ta asina rebelde cu nan mesun mayornan. Hopi adulto ta desea di tin nan mayornan cerca nan y hobennan cu tin nan mayornan, ta bira rebelde ora mayornan hala atencion. Awor tin un caso cu un hoben ta hinca su mesun tata!

E situacion ta hopi preocupante den hubentud. Ta masha hopi caso di criminalidad den hubentud tin y awor tin e fenomeno cu hoben ta hinca su mesun tata cu cuchio.

Kico realmente a conduci na e hincamento aki, no ta conoci. Dia 17 di Augustus 2017 durante tratamento di e caso esaki lo bin sigur padilanti y DIARIO lo informa lectornan di esaki.

 

- Advertisement -

DUNA COMENTARIO

Please enter your comment!
Please enter your name here