Home General Celebrando e di 18 aniversario di “Lazos de Amor Mariano, Totus Tuus”

Celebrando e di 18 aniversario di “Lazos de Amor Mariano, Totus Tuus”

76
0
SHARE
- Advertisement -

ORANJESTAD (AAN) – Ayera, diadomingo 16 di Juli E Movimento Laico “Lazos de Amor Mariano, Totus Tuus” a cumpli 18 años di existencia, mundialmente, y Matutino DIARIO a ricibi bishita di cuatro miembro di e Conseho di e Movimento, estableci na Aruba.

Nan ta sres. Alfredo Tangarife, director; Dario Bautista, subdirector; y e misioneronan sr. Juan Carlos Velez, y sra. Adriana Murcia de Bautista.

E Movimento a wordo funda na Aruba Dia 13 di Mei 2016, cu aprobacion di Obispo Luis Secco, y bao guia spiritual di Pastor Wuilder Jose Garcia.

Pa tal motibo, Diadomingo anochi, pa 7’or di anochi, a wordo celebra un Santo Sacrificio di Misa na Misa Cristo Rey.

Experencia na Aruba:

Sr. Alfredo Tangarife a comenta cu e experiencia di e movemento aki na Aruba, ta hopi fructifero.

“Ya nos a tene ocho retiro spiritual di 30 alma participante den cada un. E conversion ta bay hopi bon, y awor nos tin cuater Consagracion cu ta bay na Jesus pa medio di Maria. E ta consisti di 33 les durante nuebe luna, manera nos crece den scochi di mama Maria pa nos conoce un bida spiritual.

Nos tin apostolado na Imelda Hof, Fundacion Hende Muher den Dificultad y algun bishita na hospital. Tambe nos a haci apostolado cu habitantenan di caya, p.e adictonan ambulante, hibando nan e mensahe di Dios y cuminda. Intencion ta pa sigui cu mas Apostolado cu hendenan grandi, y bishita KIA”, sr. Tangarife a comenta.

Semper nan ta bay cu aprobacion di Obispo y cu Pastor Wuilder, y resguardando e carisma di Lazos.

Grupo di Oracion:

Señor Velez a menciona cu tur Diabierna nan tin grupo di oracion despues di Santo Sacrificio di Misa, na Hoeki di Maria banda di Pro Catedral.

Consagracion Nobo:

“Awor nos ta cuminza un Consagracion Nobo na Capel Cristo Sufriente na Madiki. Esaki ta tur Diamars despues di e Misa di 6’ or di atardi, y e ta dirigi na e comunidad completo”, sr. Tangarife a señala.

E Forza di e Movemento:

“Nos ta un comunidad Catolico, Laico. Nos ta fundamenta riba tres pilar: 1. Amor na Santo Eucaristia. 2. Amor na nos Mama Maria. 3. Obediencia na e Sumo Pontifice. Nos carisma ta e conversion di almanan. Pesey nos ta haci e retiro di conversion cu ta e prome paso pa nos habri nos curazon, y nos ta sigui cu Consagracion na nos Mama Maria, cu ta esun cu ta duna nos e forza pa e perseverancia y inspira nos pa bira un Misionero y busca otro alma pa yuda. Tur esaki nos ta haci en base na spiritualidad di San Luis Maria Griñon de Monfort. Awor nos ta haci retiro pa hende grandi y nos ta preparando pa haci retiro di mucha, y proximamente pa retiro di matrimonio. Pasobra e intencion ta busca e santidad den famia y hubentud, pa nos recobra nos sinti di nos Fe Catolico, pasobra hopi di nos ta bisa cu nos ta Catolico pero nos no ta practica nada di nos FE y no sa nada di nos FE. Pesey e Movimento ta preocupa pa e formacion di su miembronan, den e FE Catolico” sra. Murcia a expresa.

Proximo ceremonia Consagracion:

Diaranzon 26 di Juli awor lo tin e proximo Ceremonia di Consagracion di un grupo chikito na Misa Immaculada Concepcion di Santa Cruz, y un invitacion pa bay pa e comunidad Catolico di Aruba.

Invitacion pa e proximo retiro:

E proximo retiro ta dia 27 pa 30 di Juli awor di 6’or di atardi y nan ta keda drumi, na Centro Pastoral Santa Cruz. Por yama sra. Berta Velez, na telefon 741-1999. “Corda, e retiro spiritual no ta bal la pena, ta bal e bida”.

Gradicimento:

Lazos de Amor Mariano, kier gradici pueblo di Aruba pa e aceptacion pa e movecion por sigui crece. Na Obispo y e Clero di Aruba cu a, y ta duna nan sosten.

- Advertisement -

DUNA COMENTARIO

Please enter your comment!
Please enter your name here