Home Enseñanza Certificado otorga na studiantenan di AFY , Academic Foundation Year

Certificado otorga na studiantenan di AFY , Academic Foundation Year

217
0
SHARE
- Advertisement -

ORANJESTAD  (AAN): Diabierna 7 di juli 2017, AFY (Academic Foundation Year) un facultad nobo na Universidad di Aruba a otorga certificado na 26 studiante cu a cumpli cu e rekesito nan di e programa.

E programa AFY di Universidad di Aruba ta un programa consistiendo di 1 aña di varios curso. E studiante nan cu a caba HAVO/VWO, MBO EPI niveau 4, International School of Aruba of Ibero American High school por tin posiblidad di sigui e programa aki.

Academic Foundation Year ta brinda e studiante nan cu no sa ainda kico nan kier bay studia un programa riba nivel universitario unda nan por sigui diferente curso of les pa laga nan sinti kico ta bida di un studiante di universidad of studiando un rango di educacion halto.

Den e programa e studiante nan  mester sigui algun curso cu ta obligatorio, un programa di coaching y counseling, programa pa desaroya nan abilidad di lenguahe y nan por scoge curso nan online of cu tin na Universidad di Aruba mes.

Aña 2016-2017 tabata e prome aña di e programa aki cu a resulta di ta un programa exitoso creando studiante nan cu ta cla pa sigui nan estudio riba nivel halto aki na Aruba mes of den exterior y mas cu claro pa laga Aruba su nomber sigui resalta. No tin duda cu e studiante nan cu a logra haya e certificado lo surpasa tur reto den nan  estudio universitario ya cu nan a haya e experiencia aki caba den e aña escolar tras di lomba.

E hobennan cu a haya certificado ta: Cleher Albus Balcazar, Deandra Arends, Rushine Arnaud, Roxainne Clement, Rozanne Clement, Zachary Damian, Chantal Emerencia, Naomi Emerencia, Joshue Garcia, Tyfanny Roqueme Garcia, Savannah Hasham, Juelaima Henriquez , Juan Kelly, Ederick Martis, Shantal Martis, Anoesha Mohan, Lamar Oosterwolde, Kaylin Palm, Anna-Celia Proveyer Llopiz, Dalmaris Pujols Agramonte, Cindy Quintero Ortega, Netesha Redhead, Genesis Ruiz,  Sidney Simoons, Sebastian Torres Funeme y Gina van der Veen.

 

- Advertisement -

DUNA COMENTARIO

Please enter your comment!
Please enter your name here