Home General Compania di construccion a bolbe kap kabel principal di 60KV riba Green...

Compania di construccion a bolbe kap kabel principal di 60KV riba Green Corridor

376
0
SHARE
- Advertisement -

ORANJESTAD    (AAN): Algo pasa di 10:30 am riba diahuebs yamadanan a cuminsa drenta cu coriente a bay den varios area. Un rato despues e compania di contratista Odinsa a informa NV Elmar cu pa ekibocacion nan a bolbe kap un kabel principal di 60KV riba Green Corridor na altura di Young Fellow Bar & Restaurant.
Na e sitio e empleadonan di Odinsa a splica tecniconan di NV Elmar cu nan tabata cobando cu un “Bachue”, ora cu nan a mira un kabel chikito di coriente. Nan a pensa cu ta esey so lo tabatin y a sigui coba te cu nan a nota awa. Asina a ripara cu esey no tabata awa, sino azeta blanco cu ta sali di e kabelnan principal di coriente di 60KV, cu entretanto nan a kap.
Areanan afecta cu a perde suministro di coriente ta Oranjestad, Tarabana, Dakota, San Barbola, Wayaca y Primavera.
Esaki no ta prome biaha cu ta kap kabelnan di NV Elmar cu consecuencia cu ta afecta suministro di coriente na consumidornan. Ya diabierna 2 di juni ultimo e mesun compania a kap e mesun tipo di kabel. Mester bisa cu e kabelnan aki ta masha costoso y e ultimo biaha tabatin un tecnico specialisa di Hulanda na Aruba pa un otro trabou, cu a duna un man mesora pa drecha e kabel. Luna pasa caba NV Elmar a corda e compania di construccion cu algun tempo atras un otro compania a kap un kabel asina y e cobransa a core den casi 1 miyon florin!
NV Elmar ta pidi disculpa pa e inconveniencia cu esaki a causa.

- Advertisement -

DUNA COMENTARIO

Please enter your comment!
Please enter your name here