Home Social Coronacion di dos reina pa Miss Aruba

Coronacion di dos reina pa Miss Aruba

663
0
SHARE
- Advertisement -

ORANJESTAD  (AAN): Diamars anochi Star Promotion a tene un encuentro special cu invitadonan na El Faro Blanco Restaurant, unda a corona dos dama bunita y inteligente como Miss Aruba.
Alina Mansur a worde corona como Miss Aruba Universe 2017
Anouk Eman a worde corona como Miss Aruba World 2017.
Coronacion tabata den man di Jurgen Benschop di Aruba Airport Authority, y regalonan a worde entrega door di Nuhadcita Mansur.
E biaha aki no tabatin certamen, pero desde luna di April e organizadornan a haci un yamada di open casting pa damanan interesa.
E mundo di certamen a cambia asina hopi, y esey e expertonan na Aruba a topa cune ultimo biahanan cu nan a acudi den exterior.
Ganadornan di 2016 di Miss World y Miss Universe a worde escogi segun criterionan cu antes nos na Aruba no tabata preocupa cune.
Criterionan cu un hurado durante un “moment-opname” lo no ta tuma nota ni ripare.
Di eynan a sali e oportunidad di haci casting, y ultimo dos luna nan tabata den contacto constante cu e candidatanan. Nan a pasa door di diferente test, e.o. “Public Speaking”, posing, saca potret, uso di Social Media, etica y protocol, y kico ta cada uno nan background, nan storia, y kico cada uno ta para pe, kico den nan bida a impacta nan y por motiva y inspira otro hendenan.
Asina hunto a escoge e dos damanan aki.
Y DIARIO a keda sumamente impresiona cu e escogencia. Dos dama inteligente, cu diploma avanza, y dominio perfecto di Ingles.

- Advertisement -

DUNA COMENTARIO

Please enter your comment!
Please enter your name here