Home Hudicial Corte: Homber condena pa abusa di mucha menor di edad a bay...

Corte: Homber condena pa abusa di mucha menor di edad a bay busca papel di bon conducta

2321
0
SHARE
- Advertisement -

ORANJESTAD (AAN): DIARIO a bin haya sa di un caso interesante cu a tuma lugar den Corte di Husticia di Aruba. Ta asina cu tin varios tipo di caso y no ta tur caso, prensa ta haya autorizacion pa cubri.

CASO PA PAPEL DI BON CONDUCTA:

Sinembargo DIARIO, a haya sentencia di Corte di Husticia di Aruba di luna pasa caminda un homber, kende tin un condena riba su carchi di castigo, a reclama e hecho cu e instancia concerni, a rechaza di dun’e un documento di bon conducta.

Na Maart 2017, e persona a bay haci e peticion pa haya document di bon conducta y e mesun dia el a worde rechaza pa esaki. E persona a cuminsa un procedura di reclamo conta esaki.

Ta asina cu segun ley, un carchi di castigo lo por worde elimina despues di un periodo di 4 aña. Esaki ta pa delitonan cu NO tin castigo di prison.

Ora ta trata di casonan caminda tin castigo di prison, e periodo ta bira 8 aña pero mester pone acerca e castigo cu e persona a haya.

Ta asina cu e homber kier a haya papel di bon conducta pa asina por traha como guardia di seguridad y asina regla su estadia riba Aruba. E homber no tin permiso di estadia y como tal e no por traha na Aruba. Pesey e ta busca e papel di bon conducta.

CONDENA PA CASO SERIO

Den Corte durante tratamento di e reclamo, e persona cu a rechaza e peticion di bon conducta a mustra cu ora e homber a haci peticion, el a bay investiga y a haya motibonan pa rechaza esaki.

E persona a mustra cu na November 2014, e homber a worde condena na 18 luna di prison pa diferente biaha a tene relacion sexual cu un mucha muher menor di 12 aña. Esaki ta un delito hopi serio cu ta pisa hopi y pesey a rechaza e peticion di papel di bon conducta.

E homber na su turno ta haya cu inhustamente a rechaza su peticion, mirando e meta di su peticion. E homber a duna di conoce na Hues cu el a cambia su bida y cu desde su 7 aña e ta bibando na Aruba. E homber a bisa cu e chens pa haya un trabao ta hopi dificil sin e papel di bon conducta. El a sigui bisa cu el a cumpli cabal cu loke e mester a haci durante su periodo di prueba. El a bay tur cita cu e tabatin cu Reclasering. El a mustra cu e ta arepenti di loke el a haci.

RECHAZA PETICION

Hues den su decision ta mustra cu teniendo na cuenta cu e homber a worde condena pa un delito hopi serio, cu den comunidad ta causa hopi sentido di inseguridad, e instancia tabatin motibonan valido pa rechaza e peticion pa papel di bon conducta.

Hues su decision ta cu e rechazo pa keda sin duna e papel di bon conducta ta na su lugar. Hues a rechaza e reclamo di e persona.

 

- Advertisement -

DUNA COMENTARIO

Please enter your comment!
Please enter your name here