Home Remitido CU STAPNAN CHIKITO

CU STAPNAN CHIKITO

13
0
SHARE
- Advertisement -

E problema di DUMPNAN cu nos tin na ARUBA ta problema di nos tur, si di nos tur esta: di IMPORTADORNAN , di BENDEDORNAN y di CUMPRADORNAN.

Pa e motibonan aki tur mester aporta (sigur financieramente) na soluciona e problema di desperdicio di Aruba.

Ban pa poco ehempel .

Pa BATERIANAN pa usa den cas : tur importador di e baterianan aki (nan ta conoci cerca Gobierno) mester entrega na e bendedornan cu ta cumpra cerca nan ( majoria di bes e super- y minimarketnan conoci cerca Gobierno) un baki caminda tur cumprador di bateria por deposita e baterianan cu no ta funciona mas. E bendedornan of e importadornan mes por cera contrato cu cualkier instancia (Serlimar?) pa recoge i deshaci di e baterianan.

Pa corantnan cu tin cu wordo tira afor e mesun procedura por wordo aplica.

Pa objetonan di glas y plástico cu ta wordo importa y bendi den super- y minimarketnan tambe por aplica e mesun procedura.

Imagina nos mes e solución pa autonan, airconan, frigidairnan , stofnan etc cu no ta sirbi mas.

Asina tin hopi ehempelnan mas cu por wordo aplica pa separa desperdicionan cu awor aki ta djis wordo manda DUMP y kizas wordo dera bao tera of wordo kima danjando naturalesa y salud di hende.

Okay , mi ta comprende e pregunta : y ken ta paga?

E contesta ta  mes simpel cu e pregunta : e IMPORTADORNAN , e BENDEDORNAN y e CUMPRADORNAN.

Y di unda e placa pa haci tur e cosnan ey ta bin?

E contesta aki tambe ta mes simpel : di GOBIERNO cu por usa entradanan di BBO (hisa BBO si ta necesario) of lo tin di pone un toeslag riba tur importación/invoerrechten y asina haya placa pa pasa pa Serlimar (si Serlimar participa den e proceso menciona) y otro recogedornan di e desperdicionan specificonan cu ta cai den e projecto. Un projecto cu por bai “stap pa stap” te ora logra separación total di desperdicio.

E articulo aki ta simplemente pa pone atención riba IMPORTADORNAN, BENDEDORNAN y CUMPRADORNAN kendenan tur tin parti den e problema y solucion di tur DUMP na Aruba.

Sigur sigur tin mas y mihor solución pero mester cuminsa un caminda  y stop di tira culpa riba otro.

Bisami cua partido político ta bai actua cu man fuerte sin scapa IMPORTADOR , BENDEDOR of CUMPRADOR y lo mi vota pa e partido político ey na september.

rsarends@hotmail.com

 

 

- Advertisement -

DUNA COMENTARIO

Please enter your comment!
Please enter your name here