Home General Cuerpo di Aduana a cuminsa investigacion contra duanero Javier Kelly

Cuerpo di Aduana a cuminsa investigacion contra duanero Javier Kelly

924
0
SHARE
- Advertisement -

ORANJESTAD  (AAN):  E Duanero, Javier Kelly, mester responsabilisa awor pa su acto di saca potret di mercancia di cliente riba waf, pa metanan politico. Esaki ta e Duanero cu a laga publica potret di material di propaganda di Benny Sevinger riba red social y cu awor ta wordo investiga pa directiva di Cuerpo di Aduana.
Den pasado e tabata un “Hondenbegeleider” na Cuerpo di Aduana pero a bin haye den problema cu Polis ora a para un Bus di Paranda y e tambe tabata abordo. Parce cu el a insulta Polisnan den funcion, pa cual a detene. Despues di e sucedido, a traslad’e pa bay traha na waf di carga na Barcadera.
Merdia, despues cu a investigacion a cuminsa y a sinti e problema na caminda y cu coleganan Duanero a cuminsa mustra dede riba dje cu e ta hunga politica cu su trabou, el a bisa cu ta un tal Z.K. cu ta traha na Inmigracion (IASA) ta esun cu a saca e potret y mande riba red social. El a bisa su superiornan cu e no tabata sa cu K. lo bay haci politica cune. No obstante, su superiornan a hala su atencion cu ki mish’e ta saca potret mustrando riba paketenan di cliente.

Un ke otro tin di haber cu potretnan cu a sali prome di un cargacion di petchi y material di propaganda pa Benny Sevinger cu a sali riba red social. No a dura mucho cu carga di MEP tambe a subi online. Despues a cuminsa cuestiona cu si a paga impuesto of no y si e carganan politico a drenta ilegal of no. Tur esaki a sali despues cu un Duanero y un miembro di Inmigracion a dicidi di saca potret di e carga di AVP y mande riba red social.
For di Cuerpo di Aduana nos a haya confirmacion cu a start un investigacion interno. Desde dos luna pasa, casi diariamente ta yegando material politico pa MAYORIA partido politico, sea na waf di carga, via container, boto, of via Aeropuerto. Tur ta pasa belasting, mescos esunnan di Minister Sevinger tambe.
Parce cu tanto Kelly como Koolman ta campañadornan fiel di partido MEP, locual ta nan pleno derecho. Pero, ora uza bo funcion pa hunga politica, ta bira motibo pa investigacion interno pa garantisa e integridad di e instituto. Duana no tey pa hunga politica, sino pa cobra “invoerrechten”. IASA tey pa controla entrada di personanan na waf y aeropuerto, pues no pa mete den trabou di Aduana riba waf.

Un fuente for di Directiva di sindicato SADA a lamenta e tipo di comportacion asina, cu ta daña e bon nomber di Cuerpo di Aduana. Nan ta sinti masha fastioso cu Duaneronan ta opta pa hinca nan mes den problema innecesario, pa despues sindicato mester bay defende nan pa evita cu ta tuma medida disciplinario mucho pisa contra nan. Ta haya cu hopi di e tipo di casonan asina por wordo evita.

 

 

- Advertisement -

DUNA COMENTARIO

Please enter your comment!
Please enter your name here