Home Beyeza Daniella Andrea Pop ta un berdadero Queen of Hearts

Daniella Andrea Pop ta un berdadero Queen of Hearts

261
0
SHARE
- Advertisement -

Candidata pa Miss Teen Aruba International di Diadomingo awor

ORANJESTAD (AAN): Daniella no ta un persona desconoci pa Aruba, di chikito e tabata den e mundo di música, baile y modelahe, Daniella for di chikito a yega di concursa pa festival di dande, Festival di canto y Roadmarch, Daniella a yega di gana e título di Dande y festival di canto varios biaha.

Semper su deseo di mas grandi tabata pa concursa pa reina di Belleza cual el a yega di concursa pa pre-teen y gana e premio máximo Pre- Teen Aruba 2014 cual a representa Aruba na El Salvador na unda pa e tabata un reto hopi grandi y el a sinja hopi mes for di e certamen International.

Loke hopi hende no sa di Daniella cu apesar cu ta un hoven popular su bida no tabata nada fácil, di tempo e tabata chikito a sufri di loke awe nos ta yama Bulying, hopi hende lo pensa cu un persona asina talentoso cu ora subi e esenario por gana tur publico y hinca tur hende den su saco y entretene tur hende cu hopi alegría y energía no tabata por a deal cu su companjeronan di school.

Aki Daniella Pop a bisa: “Mi tabata sinti cu mi mundo henter tabata kibra den otro ora hende ter mi, mi tabata sinti mi no ta bal nada y cu mi no kier a sigui cu school mas, mi no tabata por a conta niun hende ki tabata pasami paso den mi mente mi tabata kier pa mi mayornan tabata proud dimi, pero te cu un dia cu mi no por a wanta mas paso mi a yega cas cu mi cara tur hunja un par di mucha den school a atacami den banjo y lagami destrosa”.

“Mi no ta lubida nunca mas cu mi a yega cas y mi a bisa mi mama cu mi no kier sigui school mas y mi a conta mi mama tur cos, mi tin di gradici mi mama pa loke mi ta awe, mi mama a drai contestami ‘mi yiu si bo kier kita for di school no ta problema mi por haci esey pero bo sa ki ta bay pasa na e otro school bo ta bay topa muchanan mes of mas pio, bullying ta algo cu a existi di semper y no lo stop lo sigui paso semper ta bay tin un persona cu su bida no ta canando bon na su cas y esey ta su arma pa satisface su propio rabia’.”

“Mi mama a sigui splica mi e problema cu e ta wak den ami, no ta esun cu ta haci bo bullying e problema ta sinta cu abo no ta kere den bo mes y cu asina un persona cu ta buly reconoce e persona swak lo bay ataca e persona te ora cu e caba cu su bida”.

“Wel eynan mi a haya full apoyo fe mi mama, tia y mi ruman homber, mi a sinja kere den mi mes y balora tur loke Dios a dunami, e trayectoria no tabata facil pero un cos si ora bo haya apoyo di bo famia e ta imposibel bo NO sali for di e sentimentonan cu bo no ta sirbi of cu bo no ta bal nada, awe mi por bisa cu mi ta un persona hopi firme para riba mi pia y si mi ta importa na mi imagen ta inpicable pero e parti cu un hende por ponemi sinti cu mi no ta bal nada esey ta prácticamente imposible”.

“Pa mi ta hopi importante pa muchanan cu ta pasando e mes un problema di bulying sa mi historia paso niun hende tin e derecho di caba cu hende su orgullo niun hende por pone un hende sinti cu bo bida no ta bal nada.

Hopi hende ta concentra riba e persona cu ta haci bullying pero masha tiki hende ta concentra riba e victima, mi meta ta pa mi lanta un fundación pa yuda e victimanan pa ora nan ta pasando den esaki pa tin personanan profesional cu nan por conta cu ne y guía nan na e caminda correcto.

Mester comprende cu un persona cu ta haci bulying no ta ter un persona fuerte para riba su pianan sino e muchanan cu ta swak e meta mas grandi di e persona cu ta haci bulying ta pa ponebo rabia y pa caba cu bo self esteem.

Daniella tin un reto nobo cual ta pa participa pa Miss Teen Aruba International, representando Envy By Clyde, gana of no gana su metanan lo sigui esey ta bay ta un proyecto grandi pa yuda tur hobennan cu ta den dificultad especialmente pa combati bulying.

Por ultimo mi kier a invita pa boso bin apoya nos tur 9 candidata pa Miss Teen Aruba International 2017, 9 july na cas di cultura pa 7:00 pm

 

- Advertisement -

DUNA COMENTARIO

Please enter your comment!
Please enter your name here