Home General David Britten di BIC: Rotonde nobo na Piedra Plat lo habri...

David Britten di BIC: Rotonde nobo na Piedra Plat lo habri Diabierna otro siman

892
0
SHARE
- Advertisement -

ORANJESTAD(AAN): David Britten ta lider di proyectonan di BIC, cu ta cay bao di Thiel Corporation y tabata na un rotonde nobo pa pais Aruba cu sigur lo ta un siguridad tambe den trafico. E ta conta un tiki for di ki dia el a cuminsa, con el a cana, e ta kedando cla, etc.

Ta trata aki ta e rotonde cu a bin nobo na Bright Bakery. E ta un trabao cu a cuminsa di basta tempo caba. Si mira bon, el a wordo haci den diferente faceta. E ta biniendo for di Rotonde di Paradera y e ta bay te cu unda cu ta ex John Pizza, na e cruzada pabao di dje. Awor aki ta bezig cu e faceta cu ta dilanti di e rotonde dilanti di Bright Bakery, mas banda pariba na e crusada ya menciona. 

E parti di e rotonde aki a sere pa 8 siman. Tin 6 ta bayendo y si tur cos bay bon, dia 4 di Augustus lo ta e fecha cu tin cu bay entrega e parti aki. Te cu awor aki, e ta bayendo bon. Mayoria di e trabao grandi a wordo haci caba. Tur e utilidadnan cu mester a pasa a pasa bao di tera caba. Na e mesun momento tin cu duna un danki na e grupo di Elmar cu a bin e biaha aki hopi rapido pone tur e luznan cu ta bin riba e rotonde pasa tur cos bao di caminda, pa asina por a pone e parti di e onderlaag, esta e asfalt den e rotonde caba. Tur e trabao di e klinkernan ta kedando cla. Awor aki ta bay den faceta pa bay prepara pa e ultimo capa di asfalt cu ta e toplaag, pegamento di borchi y e verfmento di e camindanan y instalacion di e zeprapadnan. Si tur cos bay bon ta premira cu tur cos lo wordo entrega na tempo manera priminti tambe, segun Britten.

E parti aki ta riba su mes. Cada fase cu tabata tin tabata un parti di un destaho publico, y cada bes cu esey pasa, diferente compania a haya e chens pa duna un prijs y asina bid riba e trabao. Tabata tin suerte cu BIC a logra toch gana e bidnan aki y a logra haci’e.

BIC ta haciendo diferente trabao pareu. Nan ta den un periodo cu nan ta basta druk cu diferente trabao. Tin diferente ploeg ta trahando na diferente caminda cu ehecucion y claramente pa purba di keda cla na tempo.

Cuanto trahador a labora na e rotonde?  Riba e rotonde, den e high peak tabata tin casi 14 hende ta traha. Den Low peak, ta tene un grupo di 8 hende ta traha.

E caminda di Piedra Plat ta un ader masha importante. Prome cu por a yega asina leu mes pa por a cera e rotonde, tabata hopi coordinacion tabata tin mester, no solamente pa e parti di trabao di utilidad cu mester pasa, pero tambe pa polis, e mesun vecindario, e bisiñanan pa wak con ta bay cera y atende cu e ceramento di e caminda. No mester lubida, fuera cu ta un ader principal, tin un panaderia bastante grandi cu ta abastece cu pan, cu ta algo hopi necesario pa henter Aruba y no por ta un estorbo cu stof, un molester pa nan tampoco. Tur esaki mester a wordo atendi na un debido manera, den combinacion cu DOW pa por a yega asina leu pa por a cera e caminda.

Segun Britten, den nan mapanan cu nan a haya mester a planta mata dilanti. Tin un cambio cu a bin cu ta bay bin un pida acera, pero ta mas bien pa siguridad pa e usuarionan di e parkinglot, cu ta bay bin un caminda mas banda pariba cu nan por sali, cu ta mas sigur, cu no ta simplemente drenta sali, con cu ta. Pero e ta mas ordena pa e ta mas sigur posibel pa e usuarionan.

E rotonde aki a costa bastante. Ta un inversion cu Gobierno a haci cu ta basta considerabel. E rotonde lo keda manera cu a haci’e. Door cu ta un ader principal y mester tene cuenta cu e espacio cu tin, e ta loke ta un overrijdbare rotonde. Si tin bus, cualkier vehiculo cu ta mas largo cu normal, tambe por bira trankilo sin ningun problema.

- Advertisement -

DUNA COMENTARIO

Please enter your comment!
Please enter your name here