Home General Diario TV riba canal 48 a bira un realidad y ta den...

Diario TV riba canal 48 a bira un realidad y ta den su fase nan di señal di prueba

993
0
SHARE
- Advertisement -

ORANJESTAD (AAN): Den bida nan ta bisa cu tur cos ta cuminsa cu un idea, un soño. Awe despues di 5 aña locual cu a cuminsa como un idea, a bira un realidad. Awe Diario TV Canal 28 a bira un realidad na momento cu e prome señal di prueba a Sali den aire atravez di canal 48. Diario TV a inicia na 2012 cu transmisionnan riba internet na unda cu nan a transmiti programanan di Carnaval, Deporte, Cultura, Noticia ya alaves nos tur por corda na aña 2013 con Diario TV a transmiti eleccion 2013 for di tur skina. Sin papia aña pasa ora cu e ekipo di Diario TV a Sali den tur peliger y consecuencia cu un Horcan ta bin cune, pa asina informa pueblo. Tur e transmisionnan aki a tuma lugar atravez di internet y algun riba canal 100 specialmente pa final di Futbol. Apesar cu tur 98% di e transmisionnan tabata riba internet, asina mes mundo completo a habri man y a ricibi Diario TV. Awo sin ningun duda Diario TV ta oficialmente riba canal 48. Canal 48 ta den e pakete basico di cable na unda cu Aruba completo por presencia esaki. Diario TV lo presenta programa nan inovativo, creativo, programa nan out of the box, Sigur por spera programanan produci pa nos mesun productornan local aki na Aruba. Alaves Diario TV lo uni forsa cu TV Direct di Corsow pa asina presenta algun di nan top programa atravez di canal 48.

Por spera cu na momento cu algo lo ta tumando lugar sea na Aruba of Corsow, e dos canalnan aki lo uni forsa pa asina trece e informacion pa tur nos televidente. Desde awe, programanan di television na Aruba lo conoce un innovacion. Nos por compronde cu den e dianan aki Diario TV lo ta realizando varios señal di prueba pa asina e tecniconan por drecha locual cu mester wordo drecha. Tentativo nos por a compronde cu e lanzamento oficial di e canal 48 lo tuma lugar Augustus 1, 2017. Pabien na Sr.Luis Miguel Mansur, su casa Sandra Mansur y na e team completo cu no a rindi, pero a sigui persisti pa awe Diario TV riba canal 48 bira un realidad.

- Advertisement -

DUNA COMENTARIO

Please enter your comment!
Please enter your name here