Home Infrastructura Director di D.O.W contento: “82% di trahadornan di contratista di WV...

Director di D.O.W contento: “82% di trahadornan di contratista di WV Blvd ta local, tin 38 truck y equipo local contrata”

143
0
SHARE
- Advertisement -

ORANJESTAD   (AAN): Diabierna a tuma lugar un conferencia di prensa na D.O.W, unda cu director di D.O.W Ing. Marlon Croes a papia riba e protesta di e chofernan di truck, cu a tuma lugar Diabierna siman pasa.

Segun Croes, e keho di e chofernan independiente di truck tabata cu e compania Mota-Engil/Watty Vos Boulevard Company lo ta importando equiponan pisa pa traha na Aruba, mientras cu tin equiponan na Aruba cu nan por uza.

Despues cu e protesta a intensifica y e chofernan a blokea e rotonde na altura di Codemsa, director di D.O.W a sinta cu algun representante di e grupo cu tabata den protesta.

Esaki despues cu D.O.W a sinta cu Mota-Engil pa puntra nan kico ta pasando.

Croes a indica cu el a splica e chofernan con e concepto di e proyecto ta traha y riba ehecucion di e proyecto.

“A elabora riba e trucknan cu ta drenta pa traha riba e proyecto”.

“Nos a informa nan cu Mota-Engil den e proceso di destaho publico a pone den su business plan cu e ta bay hasi gran uso di equiponan y personal local”.

“Den e caso ey Mota y Watty Vos Boulevard Company ta hasi uso di companianan grandi na Aruba manera  Wegenbouw, Thiel etc.”.

“Esey ta trece cune cu e chofernan independiente di truck cu tin 1 of dos truck of otro equipo pisa, no a bin di biaha den bista di Mota”.

Esaki segun Croes, kende a indica cu despues di a discuti riba esaki siman pasa Diabierna anochi, a yega na un acuerdo, unda cu esnan cu a protesta ta haya mesun oportunidad cu e companianan grandi tin.

Den cuadro di esey a pidi e companianan “chikito” pa traha un lista di tur e equiponan cu nan tin y pa entrega esaki Dialuna 5’or na D.O.W.

E listanan a wordo hinca den un carta y a wordo manda pa Mota y Watty Vos Boulevard Company, pa asina nan tin un grupo for di cual nan por escoge pa hasi uso di equipo pisa.

Pa loke ta e prijs, D.O.W no por mete den esaki y nan a compronde esaki.

Tur documento mester ta ‘up to date’ si, segun e director di D.O.W.

“A wordo palabra cu di e equiponan cu Mota tin riba waf na Aruba, esta e 4 water tanks y e 8 trucknan di 20 yarda ta keda riba waf”.

“Otro equiponan pisa manera un excavator of un bulldozer, lo Sali opera, pasobra nan tin cu crea trabao pa e trucknan independiente por opera”.

Esaki segun Croes, kende a sigui bisa cu 7 pa 8 truck driver independiente a entrega nan lista y esaki a wordo manda caba pa Mota.

El a sigui bisa cu Mota a indica caba cu dos di esakinan a wordo contrata caba y cu nan ta den proceso pa cera un contrato cu un di 3.

“Mota mes tin 50 trahador trahando, di cual 82% ta local y nan tin 38 truck di companianan local chikito y grandi trahando”.

“E equiponan pisa a Sali caba y e water trucks y e 8 trucknan di 20 yarda a keda na waf”.

“Esakinan ta bay drenta uso solamente si e truck drivers independiente no por duna e ‘performance cu mester”.

“Door cu nan tin un ‘timetable hopi estricto unda cu nan tin cu entrega e proyecto dentro di 24 luna, nan tin cu traha na diferente segmento di e proyecto simultaneamente”.

“Esey kiermen cu e 8 trucknan cu nan tin no por traha tur caminda, pues nan tin cu bay busca mas capacidad cerca e truck drivers independiente y cerca e companianan grandi”, segun e director di D.O.W.

 

- Advertisement -

DUNA COMENTARIO

Please enter your comment!
Please enter your name here