Home Social Diseñadora Venezolano a presenta na Miami su coleccion nobo inspira riba e...

Diseñadora Venezolano a presenta na Miami su coleccion nobo inspira riba e protestanan

94
0
SHARE
- Advertisement -

 

ORANJESTAD (AAN): Un informacion for di Miami ta indica cu e diseñadora Lisu Vega, a rindi homenahe na Venezuela den su coleccion nobo yama “Resistencia”, cu el a presenta durante e evento di Raw Organization na Miami.

Vega a mustra prendanan di bisti cu ta manda mensahe contra e represion di e regimen di Nicolas Maduro, pa asina concientiza mas hende riba e conflictonan cu actualmente ta azotando e pais, sigurando cu su trabao di diseño aki ta un proyecto di Arte-Moda-Protesta.

E ta un collage fotografico di e abusonan di autoridad y necesidadnan cu e Venezolano ta confronta durante tur e añanan aki di crisis y e dianan di lucha.  E proyecto ta dedica na e hobennan cu a bira victima, como tambe fotografonan, y tur esnan cu ta lucha dia pa dia pa un cambio.

E pañanan ta inspira riba esnan cu ta riesga nan bida durante e manifestacionnan anti-gubernamental cu a bin ta socede na Venezuela desde tres luna pasa caba, y den cual como 80 hende ya a perde nan bida.

“Mi curazon ta riba caya cu tur e hobennan cu ta sigui lucha pa e futuro di tur hende,” Vega a laga sa riba su Instagram account.

Riba un di e bistirnan bo por mira e nomber di esnan cu a wordo mata durante e marchanan di protesta.

E diseñadora a insisti cu e pañanan ta pertenece na su coleccion priva di Arte-Moda, y cu pesey nan lo no ta na venta.  Sinembargo, el a bisa cu e lo por haci nan como donacion na un Fundacion cu ta usa e ganashinan 100% pa pueblo Venezolano.

- Advertisement -

DUNA COMENTARIO

Please enter your comment!
Please enter your name here