Home General Docter local a protesta ora stewardess di Avianca a fliet insecticida den...

Docter local a protesta ora stewardess di Avianca a fliet insecticida den avion prome cu e vuelo a yega Aruba

3145
1
SHARE
- Advertisement -

ORANJESTAD (AAN): Algun biaha nan ta spuit e bleki straight den bo cara!  Tin biaha nan ta dirigi esaki den e louvers di airco abordo di avion.  Hecho ta cu henter e avion ta haya un holo raro, y e reclamonan a cuminza drenta.

Esaki ta pasando awor cu tur vuelo di un aerolinea internacional viahando di Colombia pa Aruba.  Ora cu falta algun minuut prome cu e avion tipo Airbus ateriza na Aruba, por mira stewardess ta cana full den e avion, cu un bleki di insecticida ta spuit esaki den halto, den cara, of den e buraconan di air-return di e sistema di airco.

Recientemente un conocido Docter di Aruba cu tabata abordo di un di e vuelonan aki, a protesta ora el a mira stewardess ta fliet e insecticida den nan cara.

Den un entrevista cu DIARIO, e Docter aki a splica cu den un mundo cu ta satura di infeccion viral nobo manera Zika, Chikungunya y Dengue (di cual tin 4 tipo na Aruba), ki por bisa di e medidanan preventivo.  Awor a sali na cla cu Avianca ta fumigando sin discriminacion e avionnan cu pasahero abordo ora di yega Aruba.

E Docter kier sa kico ta e meta inteligente di e fumigacion aki.  E ta pa proteha e avion?  E ta pa proteha Colombia?  Of ta pa proteha Aruba?

Ora el a puntra abordo di e avion, pakico nan ta haci esaki cu pasahero abordo, e stewardess a contesta e Docter local, cu nan ta haci esaki riba instruccion di autoridad di Aeropuerto di Aruba.  El a bisa cu si e pasahero kier, e por bay sconde un rato den Toilet di Avion pa asina evita di haya e insecticida riba dje.

Que hubo di pasaheronan cu por ta astmatico?  Nan no ta check esey.

Ora cu el a yega Aruba, e Docter a bay check mesora cu gerencia di Aeropuerto di Aruba pa mira pakico ta obliga Avianca na fumiga e Airbus cu pasaheronan aden.  Un fuente na Aeropuerto a bise cu nan no ta duna ningun instruccion pa haci esey.

Pa colmo, a sali na cla cu e otro aerolineanan cu ta bula di Colombia pa Aruba, esta tanto LAN Colombia y tambe Wingo, no ta fumigando ora avionnan ta yegando Aruba.

E hecho ta cu e pasahero di Avianca ta keda cu e quimico aki sin discriminacion.  Pasaheronan cu ta pacient cu ta bin malo di Colombia, y cu a caba di ricibi radioterapia y quimoterapia, of pacientnan cu ta bin di Colombia despues di evaluacion medico, y tambe turistanan cu ta yega di Colombia tin di soporta varios biaha e fumigacion directo aki riba nan cuero.

Esaki ta pone hende pensa riba di Dos Guera Mundial, con Nazi a fumiga poblacion Hudio, un evento mas detestable di fumigacion di hende.

Colombia a yega di fumiga stalnan di cabay y plantamento di coca. Sinembargo e fumigacion di coca a wordo suspendi debi na e daño cu etabata haci riba sernan humano cerca di e plantacionnan.

Y pesey e pregunta, ki ta e meta y ken na Aruba a duna ordo pa avionnan di Avianca cu yega di Colombia ta wordo fumiga.

Pasaheronan kier sa, pasobra informacion internacional ta demostra cu hopi lugar rond mundo ta protesta contra fumigacion den avion.

Rond mundo, algun aerolinea cu tin vuelo internacional mundo ta fliet nan avion prome cu esaki wordo yena.  Of ta usa un material residual di insecticida cu nan ta usa pa limpia e avion cune prome cu vuelo.

Pero un organizacion cu ta defende pacientnan di Astma, a bin ta reclamando cu e fumigacion abordo di avionnan por perhudica un pacient grandemente, y ta haci suplica mundial pa stop esaki.

 

- Advertisement -

1 COMMENT

  1. Na prome lugar, NO ta Avianca so ta haciele. Hopi otro Aerolínea nan haciele manera WestJet y AirCanada tambe sa haciele. Y no ta tur Crew Member sa haciele ora nan jega Aruba. Dus next time zo wel Diario y a Dokter (cu next time please menciona nomber di e Dokter pasobra ta tur hende lo por bisa cu e ta Dokter, e sin nomber e cos aki ta in Redo!) busca info bon dibesaki ariba internet Enzo. Esaki No ta un procedura nobo. Y NO ta na Aruba so nan haciele!!! Y mester STOP di compara Aerolíneanan cu otro!!!!!
    Nos Arubiano/Arubano gusta Kesha tambe!
    Y si Ami ta Arubano, Y ORIGINAL!

DUNA COMENTARIO

Please enter your comment!
Please enter your name here