Home Salud Docternan recien gradua ta haya oportunidad di forma nan futuro riba e...

Docternan recien gradua ta haya oportunidad di forma nan futuro riba e tereno di medicina ocupacional

268
0
SHARE
?
- Advertisement -

Medwork dunando e profesionalnan oportunidad di progresa

ORANJESTAD    (AAN):  Den e ultimo 4 aña, e cantidad di dokter cu a finalisa nan estudio den nos region a subi. E ta keda un reto si pa nos yiunan di tera, dokternan jong recien gradua pa por logra haña un trabow adecua pa locual nan a studia, na Aruba.

Medwork tin un bon experiencia cu e dokternan jong y cu bon formacion. Despues cu nan drenta servicio di Medwork, nan ta ricibi un training extenso como dokter ocupacional y ta bai ehecuta nan trabao bao supervision di otro colega dokternan senior cu tin nan registracion di BIG, e asina jama BIG-registratie.

Mientras tanto el a bira un rutina di tur aña, segun nos educador Drs. Geelkens, cu mas y mas dokternan Arubiano cu a gradua den nos region, ta bati aki na nos porta na Medwork cu hopi interes pa por logra haya e formacion extenso aki.

Companianan y como tambe Gobierno ta poniendo mas y mas atencion riba condicionnan laboral y salud di trahadornan. Companianan ta hasi mas pregunta referente Arbo. Companianan ta lucha dia a dia cu entre otro productividad na trabao, edad cu ta subiendo di trahadornan, e situacion di salud di nan personal, tambe ultimo tempo ta drenta varios pregunta riba seguridad laboral y condicion laboral liber di droga.

Naturalmente esaki ta trece cune cu dokternan ta bira mas interesa den e ramo di medicina aki, kier sa mas y kier educa nan mes mas riba e tereno ocupacional, cu no ta mucho conoci na Aruba.

Alejandra Vallejo ta un di e dokternan Arubiano jong gradua, y cu ta masha interesa den e ramo aki di dokter ocupacional. El a hasi su estudio di medicina na Colombia.

Dokter Vallejo a ricibi su training den Arbo na Medwork y a finalise cu exito, y ta trahando actualmente na Medwork como dokter ocupacional.

Por aprecia Dr. Vallejo den su oficina, riba e potret adhunto. Na Medwork ta sigui cu nos compromiso di por brinda nos recien graduadonan un oportunidad di forma nan futuro riba e tereno di medicina ocupacional.

 

- Advertisement -

DUNA COMENTARIO

Please enter your comment!
Please enter your name here