Home Policial Douane a gara DJ Jarick Farro cu tres paki grandi di Coca

Douane a gara DJ Jarick Farro cu tres paki grandi di Coca

1883
1
SHARE
- Advertisement -

ORANJESTAD   (AAN): Douane na Airport tin wowo tur caminda y ta coba tur caminda ora tin hende cu kier sali cu droga of cosnan illegal pa otro pais for di Aruba.

Jarick Farro ta un di nan. E ta un conocido DJ di profesion cu ta registra na un adres den Hooiberg. E ta toca hopi den e area di Clubnan Nocturno banda di Hotelnan High Rise.

Den fin di siman cu a pasa e tambe kier tabata parti di e network di hiba droga afo. E destinacion Canada ta un ruta masha popular ultimo lunanan y ta basta hende a cay cera tambe pa purba saca droga. Local y no local a cay cera. Autoridad ta haya cu tin hasta a perde gevoel pasobra ta kere cu sin mas e droga lo pasa bay.

Den maleta pasando control e cacho di Douane a reacciona. Ora a bay haci e control a topa cu e tres pakinan di Coca den e maleta di DJ Jarick Farro.

Douane a detene y asina procesa tur documento. Djey a entrega e maleta cu droga y e sospechoso Jayrick Farro na autoridad di Departamento di Droga di Cuerpo Policial.

Autoridad a confirma tambe cu den pasado a yega di gara un miembro di su famia tambe cu droga. Kiermen pa e famia e no ta algo nobo segun e miembro di autoridad cu a informa y confirma e detencion.

Sigur un tremendo trabou di Douane den e caso aki. Pronto lo pone man tambe riba esnan local cu ta e cabez y autoridad Mericano tambe lo pone man riba esnan na Merca cu ta ricibi e droga.

Na Canada tin un grupo cu ta forma parti di e red di droga hunto cu esnan di Aruba.

 

 

- Advertisement -

1 COMMENT

DUNA COMENTARIO

Please enter your comment!
Please enter your name here