Home General Douane ta duna splicacion riba nan ‘Afdeling Vrijmaking’

Douane ta duna splicacion riba nan ‘Afdeling Vrijmaking’

45
0
SHARE
- Advertisement -

 

ORANJESTAD  (AAN): Dialuna a tuma lugar un conferencia di prensa na Oficina di Douane, unda cu vocero di Douane Marilyn Wout a indica cu motibo di e rueda di prensa ta pa informa pueblo, comerciantenan y brokers, con e proceso di Douane ta na e asina yama ‘Afdeling Vrijmaking’.

“Tur locual cu ta cay bao di vrijmaking ta e control di containers, e terrein dienst, e container scan, como tambe e VCP program”.

Esaki segun Wout, kende a splica tambe kico un cliente mester hasi pa e por haya servicio di Douane pa release un container.

Segun e vocero, e broker mester pasa na oficina di Douane pa pidi pa e servicio y esaki e por hasi di Dialuna pa Diabierna.

Tambe e mester percura pa e tin tur e papelnan corecto y yena debidamente.

Ta trata di e aangifte, e factura y tambe e permiso di importacion.

“Tambe e mester paga tur su rechten nan, prome cu bin pidi e servicio”.

“Ora cu e hasi tur esaki, e ‘klant coordinator’ ta schedule e in y un Douane Ambtenaar ta wordo apunta na e cliente”.

Esaki segun Wout, kende a sigui bisa cu tur e trabaonan cu terrein dienst hasi ta wordo hasi lihe y nan ta trabaonan cu tin relativamente menos riesgo.

E vocero a sigui bisa cu terrein dienst ta hasiendo control y esaki ta bayendo hopi bon.

“Nos ta hayando iregularidadnan y esaki ta genera ‘bijbetaling’ y esakinan por bira procesverbal tambe”.

“Nos tin un scan di container tambe na waf di barcadera, cu ta facilita e proceso di release container”.

Esaki segun Wout, kende a indica cu esaki ta dunando su frutonan tambe.

Banda di esaki Douane tin un Voluntary Compliance Program (VCP), cu ta un tratamento di privilegio pa clientenan cu ta forma parti di e programa aki.

“Cu esaki Douane ta boga pa completa e aangiftenan y release e carga den vrijmaking dentro di 24 ora of menos”.

“Aworaki e VCP Program ta para, pasobra nos ta bezig ta evaluando esaki, pa wak con pa sigui cune”.

Esaki segun Wout, kende a sigui bisa cu banda di tur e trabaonan cu Douane ta eherce den vrijmaking, Douane ta cumpli cu e leynan y ta hasiendo un esfuerzo pa brinda e clientenan un mihor servicio.

E meta di Douane ta pa stimula economia y no stagna esaki.

“Pa e motibo aki tambe Douane a bin cu un Douane decalarant cursus, cu ta hopi importante pa clientenan y esaki bo ta wak cu mas leu nan bay den esaki, mas conocemento nan ta haya, mientras cu e proceso di aangifte ta bay mihor tambe y e ta facilita e proceso di release container”, segun e vocero di Douane.

 

- Advertisement -

DUNA COMENTARIO

Please enter your comment!
Please enter your name here