Home Deporte Dr. Guaicaipuro Jimenez presidente di Aruba Taekwondo Bond ta felicita e atletanan...

Dr. Guaicaipuro Jimenez presidente di Aruba Taekwondo Bond ta felicita e atletanan cu a gana medaya na Korea

25
0
SHARE
- Advertisement -

ORANJESTAD (AAN): Dr. Guaicaipuro Jimenez ta hopi contento cu e resultado di e team di Brazil Taekwondo Stichting cu a representa Aruba na Korea cu bon resultado.

ARTBO ta responsabel pa participacion di tur atleta cu representa Aruba internacionalmente y semper ta para tras di tur atleta ora cu nan representa Aruba den exterior. Brazil Taekwondo Stichting a biaha pa Korea pa mira dos dia di e campeonato mundial y despues nan a train algun dia pa participa na Chuncheon International Korea Taekwondo Open y a logra 4 medaya, dos oro, un plata y un brons y a haci cu Aruba cu ta un isla asina chikito ta destaca un biaha mas te na Korea. Na aña 2015 e team a logra gana ocho medaya na dos campeonato na Korea, pero e tempo ey nan a biaha cu ocho atleta. E biaha aki door di situacion di mayornan di dos atletanan no por a biaha. Henkmeijer ta guia e team na Korea y mester traha cu e 4 atletanan aki na Korea.

Dr. Guaicaipuro Jimenez ta gradici Henk Meijer cu tin hopi aña ta brinda su apoyo na Aruba y e ta bin tur aña pa duna training y bon guia na e atletanan. E team lo keda Korea pa dos siman mas, pasobra e team ta train na un High School na Korea hunto cu e team di Korea y dos atleta for di Russia. Dr. Guaicaipuro Jimenez a bisa cu e training na Korea ta bon pa Zahyon Klabér cu a gana su wild card pa e Pan Americano aña pasa na Oregon, Portland na e Presidents Cup y a pone Aruba ariba e lista di clasificado nan pa e Pan Americano cu ta bay tuma lugar na luna di Augustus na Costa Rica. Potret pa cortesia di Alberto Klaber.

- Advertisement -

DUNA COMENTARIO

Please enter your comment!
Please enter your name here