Home General E di dos y ultimo debate politico organisa pa Camara pa...

E di dos y ultimo debate politico organisa pa Camara pa Comercio lo tuma luga dia 17 di Augustus

44
0
SHARE
- Advertisement -

ORANJESTAD     (AAN): Ernst Mohammed di Camara di Comercio a felicita na e Millenials pa nan debate y a duna nan tips y nan apoyo. Camara di Comercio ta hopi orguyoso di nan, pa e calidad di debate cu nan a presenta, door di un grupo jong cu no a para na banda y critica, pero a coy e batuta den nan man. Nan a organisa algo cu pa nan mes y a haci algo excepcional.

Directiva di Camara di Comercio ta hopi contento cu esaki. Door cu nan tin nan grupo di nan votadonan, nan tabata kier tin un chance pa e lidernan kico nan programa nan ta. Hopi di e millenialnan a haya bon informacion ariba e anochi informativo aki. E di dos debate di Camara di Comercio lo conoce algun cambio. Mas cerca di e fecha nan lo divulga esaki.

Camara a sinta cu mayoria di e partidonan politico y a traha ariba e temanan. E importante pa Camara di Comercio, ta e area di comercio, economia, budgeting, e parti social. Tur esaki tin un impacto ariba nos. Esakinan ta temanan cu ta discuti den debate.
Semper a focus ariba e lidernan, pero kisas tin un cambio e biaha aki, pero nan ta den tramite ainda con ta bay haci esaki. Den e debate di Millenial, nan no a logra haya e lider di partido AVP. Pa Sr. Mohammed, den un debate politico bo mester t’ey. Tur caminda unda bo ta saca bo mensahe, bo mester ta presente.

E millenialnan no ta worry kico a pasa na 1986 pa 2017. Nan kier sa kico bo ta bay haci awo padilanti. Pero nan a haya hopi otro feedback di e otro partidonan si. Camara si ta kere cu nan lo haci un paar di cambio, ya tur partido a haya nan invitacion caba y mayoria a confirma caba. E biaha aki lo focus ariba 7 di Augustus despues cu entrega e lista. Esaki ta e debate den e directiva di Camara di Comercio, y no ta sigur ainda.

Sr. Mohammed a gradici e pueblo pa nan feedback, tambe e criticanan constructivo, nan lo traha ariba dje y asina gana tur hende pa e di dos debate.
Un di e criticanan tabata cu a duna e preguntanan di delanta na e lidernan. E biaha aki e pueblo tambe por manda nan pregunta aden. Tur hende tin chance di manda nan pregunta aden. Tene limpi y al caso.    Tur hende lo wordo skucha. E partinan social ta hopi importante, pasobra e ta afectando e economia, e costo di bida. Esey ta bisabo over di pobresa y si tur hende por afford tur cos. Camara di Comercio ta traha hunto cu gobierno, y cual gobierno cu sinta, nan lo sigui bataya pa nan zorg pa e Arubiano tin un chance den su mesun economia, pa e florece.

Cada biaha cu gobierno cera un acuerdo cu un sindicato, semper ta e comercio ta esun cu ta paga. E proximo gobierno cu sinta, lo wak si lo sigui pone mas presion ariba e sector priva, unda cu nan tin cu paga e belasting, esunnan cu ta paga e accijnzen. Of comercio lo mester bay den nan mesun seno pa haci nan aparato mas eficiente. Gobierno mester ta manera un negoshi, mester haci negoshi, pueblo ta accionista.
Cada 4 aña mester wak si e pueblo ta contento con e manera cu e gobierno a traha of sino lo mester scoge un otro gobierno. Esey ta e paralel cu a duna na un gobierno. Un gobierno mester core un negoshi pa tur hende gana placa.

Si e gobierno ta traha bon, cu no mester bin cu extra belasting of por kita cierto belastingnan, anto e ora ey e gobierno a haci su trabao, segun Sr. Ernst Mohammed, di Camara di Comercio.

 

- Advertisement -

DUNA COMENTARIO

Please enter your comment!
Please enter your name here