Home Comentario E manera con contrincantenan politico ta trata otro ta un decepcion!

E manera con contrincantenan politico ta trata otro ta un decepcion!

29
0
SHARE
- Advertisement -

Opinion publico:

ORANJESTAD (AAN) – Tin un descontento den pueblo tocante loke nos ciudadanonan ta observando den campaña politico, cu na lugar di gana simpatia ta causa decepcion.

Asina diferente persona ta indica na redaccion di DIARIO, mirando e manera con contrincantenan politico ta trata otro. Ta suppose cu tur politico cu ta bay participa den eleccion, for di e lider te esun cu haya e number 29 riba lista, ta stima Aruba, kier traha pa pueblo di Aruba, kier drecha loke no a logra drecha den e gobernacion na encargo di nos pais, etc. etc. etc.

Si ta asina anto, y no interes propio ta reina, kico ta motibo cu nan no ta bin hunto, pone schouder cu schouder y nan nanishi riba e mesun direccion, y haci algo pa nos pais sigui progresa den locual a logra, y resolve e problemanan cu a keda sin logra?

No kere cu tur hende na Aruba ta goza e confrontacion politico cu tin sea na radio, via facebook, y hasta di forma personal, cu insulto, sundramento, acusacion tin biaha hopi serio cu ta bin di simpatizante di uno contra simpatizante di otro, y asina full un mal ehemplo pa e generacionnan cu aworaki, apenas ta formando nan opinion politico.

Hopi hende ta expresando cu nan ta desea pa e temporada aki pasa lihe, cu dia 22 di September bin pa caba, anto pa wak si cordura y trankilidad bolbe reina den nos pais. Kiermen, no ta tur hende ta desea pa e fecha di eleccion yega pa tal of cual partido gana of pa bin un coalicion, pero pa tur e campaña agresivo aki keda por fin tras di lomba. E riesgo ta cu hopi hende por keda sin bay urna electoral, cu e abstencionismo por supera cifranan di eleccionnan anterior. Esey por ta locual e politiconan y nan campañadornan cu ta bay den e direccion di ataca otro na un manera mahos y sin ningun respet mutuo, por logra. Hopi ciudadano ta sinti cu tur e campaña maneha na un manera asina aki ta un falta di respet pa e pueblo en general!

- Advertisement -

DUNA COMENTARIO

Please enter your comment!
Please enter your name here