Home Turismo Entrante 19 juli: Tur pasahero cu ta viaha pa Merca mester ta...

Entrante 19 juli: Tur pasahero cu ta viaha pa Merca mester ta na aeropuerto 3 ora prome cu vuelo

1374
0
SHARE
- Advertisement -

ORANJESTAD   (AAN) – Recientemente TSA di Merca a ordena tur aerolinea cu ta bula pa Merca, pa implementa Medidanan di Seguridad Revisa riba tur pasahero cu ta viaha for di tur destinacion pa Merca.

Aruba Airport Authority N.V. (AAA), operador di Aeropuerto Internacional Reina Beatrix, ya tabata trahando cu e aerolineanan partner y otro stakeholdernan den e proceso y a haci e cambionan necesario pa cumpli cu e rekisitonan nobo.

Desde 19 di Juli, 2017 un lista nobo di Articulonan Prohibi / lista di Exempcion lo wordo implementa y viaheronan viahando for di Aruba pa Merca lo wordo someti na control/screening adicional di articulonan electronico personal, e asina yama “Personal Electronic Devices” (PED’s).

Aunke cu AAA y e aerolineanan a haci tur e areglonan necesario pa e rekisitonan nobo aki por cana mas suave y facil posibel pa e viahero, pasaheronan viahando pa Merca toch lo por experencia retraso den e proceso como consecuencia di e rekisitonan nobo.

Pa por yuda den caso di retraso, AAA ta encurasha tur pasahero cu ta biaha pa Merca pa percura pa ta na aeropuerto 3 ora prome cu nan orario di salida.

Pasaheronan cu ta viaha pa Merca cu tin preocupacion tocante e transportacion di nan articulo electronico personal por tuma contacto cu nan aerolinea cu nan lo viaha cu ne pa mas detaye.

- Advertisement -

DUNA COMENTARIO

Please enter your comment!
Please enter your name here