Home Enseñanza Entrega di diploma na Croes Tolk & Vertaal Instituut

Entrega di diploma na Croes Tolk & Vertaal Instituut

39
0
SHARE
- Advertisement -

ORANJESTAD (AAN): Despues di varios luna di lesnan intensivo y priva Solange Croes, Marouschka Croes y Zenny Donata a logra gradua pa nan examen. Zenny Donata a gradua p’e examen Tolkvertalen Spaans 1ste fase den Spaño-Hulandes y Hulandes-Spaño.

Solange Croes y Marouschka Croes a gradua p’e examen Gramatica y Ortografia Hulandes riba nivel di Havo.

Hulandes ni Spaño ta idiomanan facil pa siña. Specialmente riba tereno di gramatica tin basta dificultad pa sobrepasa prome cu por cuminsa domina e materia aki.

Y como cu na Aruba e klasnan ta grandi den enseñansa subsidia esaki ta un tarea dificil pa tanto e docente como p’e studiante. Ta rekeri hopi competencia linguistico, tempo y atencion di un docente pa por traspasa gramatica y ortografía di Hulandes y Spaño n’e studiantenan.

Un aspecto hopi importante den adkisicion di idioma ta lesamento. Na Aruba mester stimula mas lesamento bou hubentud. Y mester siña e mucha lesa buki di chikito. Esey lo bay yud’e cu su idiomanan na school. Croes Tolk & Vertaal Instituut na Pos Chiquito 61 ta specialisa den traduccion y tolk den idiomanan Spaño, Hulandes y Papiamento. Nos ta ofrece cursonan di traduccion y tolk den grupo semi-priva y priva. Croes Tolk & Vertaal Instituut ta felicita e graduadonan y nos ta desea nan exito den nan siguiente nivel den traduccion y tolk.

 

- Advertisement -

DUNA COMENTARIO

Please enter your comment!
Please enter your name here