Home Deporte Federacion Liga Mayor di Softball Arubano a continua diasabra cu algun partido...

Federacion Liga Mayor di Softball Arubano a continua diasabra cu algun partido riba e tereno di Flatstone

35
0
SHARE
- Advertisement -

ORANJESTAD (AAN): Diasabra 15 di juli 2017 bao di auspicio di Federacion Liga Mayor di Softball Arubano riba e tereno di Flatstone Ballpark na Piedra Plat tabata tin continuacion di e di diescuatro campeonato di softball Liga Mayor pa locual ta trata partidonan cu a wordu cancela y ser cubri locual ta trata campeonato regular.

1º partido: Benjamin Tigers v/s Boomerang Ildo’s Lottery 

Pa 12:00 a duna inicio na e prome partido di dia pa locual a trata e campeonato di teamnan di 60-plussers den e Campeonato 2017 bao di auspicio di Federacion Liga Mayor di Softball Arubano cu a bay entre Boomerang Ildo’s Lottery como equipo di cas enfrentando Benjamin Tigers como equipo visitante. Tabata den e propio cabez di inning no. 1 caminda cu Benjamin Tigers a score 1 careda y Boomerang Ildo’s Lottery no kier a keda atras caminda den bom di mesun inning nan a reacciona barbaro y ta anota no menos cu 9 careda pa pone e partido comoda mente na nan favor cu e score di 9 pa 1 riba Benjamin Tigers. Den cabez di inning no. 2 Benjamin Tigers a anota 1 careda pa pone e partido 9 pa 2. Pero atrobe Boomerang Ildo’s Lottery a reacciona y e biaha aki a anota 3 careda pa pone e partido 12 pa 2 na na favor. Den bom di inning no. 3 atrobe Boomerang Ildo’s Lottery a score 3 careda pa amplia e ventaja awor 15 pa 2. Den cabez di inning no. 5 Benjamin Tigers a anota 1 Careda pero no por a evita cu Boomerang Ildo’s Lottery a manda nan cas cu un knockout fulminante y cu e score final di 15 pa 3 e partido a termina cu un victoria pa Boomerang Ildo’s Lottery. Boomerang Ildo’s Lottery tabata 15 careda, a bati 11 hit y a comete 2 error. Pa Benjamin Tigers nan a anota 3 careda a bati 6 hit y a comete 5 error. Mihor bateador nan pa Boomerang Ildo’s Lottery tabata Casin Curiel di mil punto cu 3 hit den 3 turno, mientras Sidney Elizabeth, Ely Elisabeth y Israel Romero tur tres cu 2 hit den 3 turno. Pa Benjamin Tigers tabata Rudy Pers di mil punto cu 2 hit den 2 turno, mientras Rosendo Kock, Frank Arnell, Esy van der Linden y B. Flanegin tur cuater cu 1 hit den 2 turno. Pitcher ganador pa Boomerang Ildo’s Lottery tabata Mario Croes cu a bay henter e ruta, mientras Y. Feguero tabata e pitcher perdedor  pa Benjamin Tigers hayando relevo di Rochi Werleman y Theo Wester. Ely Elisabeth tabata un homerun den parke pa Boomerang Ildo’s Lottery y Frank Arnell tabata un homerun den parke pa Benjamin Tigers. Cu e victoria aki Boomerang Ildo’s Lottery a pasa pa e partido final di e 60plussersnan.

2º partido: Astros  v/s Bambino’s Florsheim

E di dos partido di dia a bay entre Astros como team di cas enfrentando Bambino’s Florsheim como bishitante. Tabata den e propio cabez di inning no. 1 cu Bambino’s Florsheim a reacciona fuerte y nan ta anota no menos cu 4 careda. Pero Astros no a keda atras y a bin anota 2 careda den bom di ining no. 1 pa corta ventaja y e partido ta bira 4 pa 2 na favor di Bambino’s Florsheim. Den cabez di inning no. 2 Bambino’s Florsheim a anota 1 careda pa hasi e partido 5 pa 2. Den bom di inning no. 3 Astros ta corta ventaja anotando 2 careda pa e partido bira 5 pa 4 na favor di Bambino’s Florsheim. Den bom di inning no. 4 Astros atrobe a anota 2 careda pa bolter e score caminda e partido a bira 6 pa 5 na nan favor. Den bom di inning no. 5 Astros a bolbe score 2 careda y ta sigui bay dilanti awor cu e score di 8 pa 5. Babmino’s Florsheim a wordu silencia door di Astros y e partido pa motibo di tempo reglamentario a termina cu un victoria di 8 pa 5 pa Astros riba Bambino’s Florsheim. Astros tabata 8 careda na a bati 10 hit y a acomete 1 error. Bambino’s Florsheim tabata 5 careda na a bati 7hit y a comete 3 error. Mihor bateador nan pa Astros tabata Joslin Falcon di mil punto cu 3 hit den 3 turno. Marcial Loefstop tambe tabata di mil punto cu 1 hit den 1 turno, mientras Juan Arrindell a bati 2 hit den 3 turno. Pa Bambino’s Florsheim e mihor bateador nan tabata Richard Betrian cu 2 hit den 3 turno, mientras Anthony Giel, Louis Boekhoudt, Hubert Loefstop y Richie Croes tur cuater cu 1 hit den 3 turno na bate. Pitcher ganador pa Astros tabata Buchi Flanegin y Claudio Quant tabata e pitcher perdedor pa Bambino’s Florsheim hanjando relevo di Hubert Vrolijk den inning no. 5. Ruthsel Martina tabata un homerun den parke pa Astros.

3º partido: Aruba Juniors v/s Master Cargo Braves. 

Despues di esaki a duna inicio na e di tres partido di dia cu a bay entre Master Cargo Braves como equipo di cas enfrentando Aruba Juniors como visitante. Tabata un partido caminda ambos pitchernan tabata tene nan contrincantenan na cero careda. Tabata den bom di inning no. 4 caminda cu Master Cargo Braves a score un careda pa pone e partido 1 pa 0 na nan favor. E dominio di ambos pitcher a sigui den e partido aki y tabata den bom di inning no. 6 caminda cu Master Cargo Braves a score 3 careda pa amplia e score 4 pa 0. Cu e score aki tambe e partido a termina cu un Victoria di 4 pa 0 pa Master Cargo Braves riba Aruba Juniors. Master Cargo Braves tabata 4 careda nan a bati 8 hit y a comete 2 error. Mientras Aruba Juniors tabata 0 careda, nan a bati 3 hit y a comete 3 error. Mihor bateador pa Master Cargo Braves tabata Navio Valdez y Egbert Croes cu 2 hit den 3 turno, mientras Aubray Maduro a bati 1 hit den 2 turno. Pa Aruba Juniors e miho bateador nan tabata Jose Peguero cu 2 hit den 3 turno y Johan Richardson cu 1 hit den 3 turno. Pitcher ganador pa Master Cargo Braves tabata Wilbert Maduro cu a bay henter e ruta, mientras A Elias tabata e perdedor pa Aruba Juniors.

Asina Federacion Liga Mayor di Softbal Arubano por waak atras riba un bon diasabra na unda partidonan cu a ser cancela y cubri den campeonato no. 14 (2017) na unda alavez a duna continuacion di campeonato entre e teamnan di softball 60plussers, caminda club miembronan ta sigui brinda bon partidonan di softball y tambe e teamnan di 60+ e aña aki. Tabatin un tremendo ambiente di softball.

E bar y cushina tabata na encargo di Bambino’s Florsheim y a sa di brinda e publico presente. Un danki ta bay pa e cuerpo di umpires bow di direccion di Sr. Mito van der Biezen. Tambe danki ta bay pa nos scorer Sra Mila Dirksz.

Terminando cu saludo deportivo y sperando riba cobertura pa cu y henter nos campeonato 2017.

- Advertisement -

DUNA COMENTARIO

Please enter your comment!
Please enter your name here