Home General Fonteinnan den centro y hortamento di awa di Plaza Padu

Fonteinnan den centro y hortamento di awa di Plaza Padu

296
0
SHARE
- Advertisement -

ORANJESTAD (AAN):  Pa algun luna caba a señala cu un parti den Havenstraat mester di atencion di DOW pa drecha e klinkernan cu a wordo poni y ta tur clase di vehiculo ta pasa riba esaki y keto bay nan ta sigui zak lagando un bista desagradable pa tanto nos localnan como y bishitantenan.

Un centro cu sigur mester di atencion cu practica miles di bishitante ta hasi uso di dje, sin lubida e propio ciudadanonan.

Mientras tanto e fonteinnan, entre otro, banda di La Moderna pa basta tempo caba no ta den uso. Pa colmo el a para bira un fuente di criadero di sangura. Varios di e tegelnan ta kibra y riba corto plazo e mester haya atencion, y poni back den funcion.

Tin un problema serio y aki mester tin atencion debido.

A keda constata cu tin chollernan ta saca awa cu hemchi for di e fontein pa laba auto. Na e “Plaza Padu” practicamente tur dia ta pasa un tercio dilante censo cu garoshi carga cu hemchi ta saca awa for di e fontein pa e usa esaki pa laba auto.

Tin otro ta pasa cu hemchi riba schouder pa bay saca awa tambe for di fontein na Plaza Padu. Aki poco luna mas awa ta caba den fontein y e por tin su consecuencia cu pomp no por funciona mas y instalacion ta kima y pa sea siman, of lunanan e no ta wordo drecha .

Ta tarea di DOW pa hiba control servero y pa cuminsa actua contra esnan cu ta horta awa for di fontein y drecha caminda entre otro den Haven straat. E fotonan di e fontein banda di La moderna ta papia pa nan mes. Tin poco awa cu a bira criadero di sangura.

Tin basta reclamo di esnan cu ta djis sosega riba bankinan y ta wordo ataca pa sanguranan.

 

- Advertisement -

DUNA COMENTARIO

Please enter your comment!
Please enter your name here