Home Impuesto Formulario di declaracion di inkomstenbelasting 2016 a sali

Formulario di declaracion di inkomstenbelasting 2016 a sali

52
0
SHARE
- Advertisement -

ORANJESTAD    (AAN) – Departamento di Impuesto ta informa cu e formularionan di declaracion di inkomstenbelasting 2016 a sali. Ta trata aki di e formulario di declaracion pa persona residencia na Aruba.

Durante luna di juli e clientenan lo ricibi nan formulario via post manera custumber. E fecha oficial di otorgamento ta 1 di augustus 2017. Pa ley e clientenan ta haya 2 luna pa yena y entrega e formulario. Di acuerdo cu ley, e ultimo dia pa entrega esaki ta dia 2 di oktober 2017.
Departamento di Impuesto ta recomenda pa cuminsa prepara tur documento necesario relaciona cu entrada y gasto di aña 2016 por ehempel: salario anual, pension di trabou, pension di biehes, pension di viudo of huerfano, entrada di huur di propiedad, entrada di ‘side-jobs’, carta di interes di banco y/of otro instancia, seguro di bida, comprobante di donacionnan haci, comprobante di gastonan di scol di yiu cu ta studia den exterior etc.
E clientenan cu tin un empresa propio (eenmanszaak), tambe mester prepara nan relato anual di aña 2016. Den caso cu e cliente mes no por traha e relato anual aki, ta recomendabel pa busca un consehero.
Yena y entrega e formulario ta un obligacion legal. Door di yena y entrega e formulario na tempo, e cliente ta evita cu e ta haya un cobransa (taxativo) cu boet. E boet ta 5% di e suma di belasting y ta minimo Afl. 250 y maximo Afl. 10.000. Ademas pa medio di e declaracion, e cliente ta haya e oportunidad pa haci uzo di su derecho di deduci su gastonan.

 

- Advertisement -

DUNA COMENTARIO

Please enter your comment!
Please enter your name here